കണ്ണൂർ: സംസ്ഥാനത്ത് വർദ്ധിച്ചു വരുന്ന ലഹരിമാഫിയ സംഘങ്ങളെ ഇല്ലാതാക്കുവാനും മനുഷ്യനെ കൊലപ്പെടുത്തുന്ന ലഹരി സംസ്കാരത്തെ ഉന്മൂലനം ചെയ്യാൻ സർക്കാർ അടിയന്തരമായി ഇടപെടണമെന്നും മനുഷ്യ ജീവൻ സംരംക്ഷിക്കണമെന്നും ലഹരിമാഫിയ സംഘങ്ങൾ കേരളത്തെ പിടി മുറുക്കിയിരിക്കുന്നത് സർക്കാർ കാണാതെ പോകരുതെന്നും ഹരിതം ചരിത്ര പഠന കേന്ദ്രം കേരള സർക്കാരിനോട് അഭ്യർഥിച്ചു.
ചെയർമാൻ റഹ്‌മാൻ തായലങ്ങാടിയുടെ അദ്ധ്യക്ഷതയിൽ നടന്ന ഭാരവാഹികളുടേയും, പ്രസിദ്ധീകരണ സമിതി അംഗങ്ങളുടേയും സംയുക്ത യോഗത്തിൽ അശ്റഫ് ബംഗാളി മുഹല്ല, ഒ.കെ. സമദ്, സി.മുഹമ്മദ് കുഞ്ഞി, അഡ്വ: എം.ടി.പി. അബ്ദുൽ കരീം, അഡ്വ. പി.വി. സൈനുദ്ധീൻ, സി ഉമ്മർ, മുഹമ്മദ് വിളക്കോട്, എസ്.എൽ പി മുഹമ്മദ് കുഞ്ഞി, സി.കെ.പി. റഹീസ്, മഹമൂദ് മാട്ടൂൽ, നൗഷാദ് അണിയാരം, തുടങ്ങിയവർ പ്രസംഗിച്ചു. മുസ്തഫ ചൂര്യോട്ട് സ്വാഗതവും, പി.വി.അബ്ദുൽ ഗഫൂർ നന്ദിയും പറഞ്ഞു.