തിരുവനന്തപുരം- അനുദിനം വിലവര്‍ധിച്ചുവരുന്ന സാഹചര്യത്തില്‍ ആശ്വാസവുമായി സപ്ലൈകോ. ഓണത്തിന് മുന്നോടിയായി കേരള സര്‍ക്കാരിന് കീഴിലെ സപ്ലൈകോ വില്പനശാലകളില്‍ ഉത്പ്പന്നങ്ങള്‍ക്ക് വിലക്കുറവ് ലഭിക്കുമെന്ന് അധികൃതര്‍ അറിയിച്ചു. ‘ഹാപ്പി അവേഴ്സ്’ എന്ന പേരിലാണ് ഈ വിലക്കിഴിവിന്റെ പ്രമോഷന്‍ സംഘടിപ്പിക്കുന്നത്.
ജൂലൈ 31 വരെ ഉച്ചയ്ക്ക് രണ്ടു മുതല്‍ നാലു വരെയാണ് തെരഞ്ഞെടുത്ത സബ്സിഡി ഇതര ഭക്ഷ്യവസ്തുക്കള്‍ക്ക് വിലക്കുറവ് നല്‍കുന്നത്. സപ്ലൈകോയില്‍ സാധാരണ ലഭിക്കുന്ന വിലക്കുറവിനെക്കാള്‍ 10 ശതമാനം വരെ വിലക്കുറവ് വിവിധ ഉല്‍പ്പന്നങ്ങള്‍ക്ക് ലഭിക്കും. അരി, എണ്ണ, സോപ്പ്, ശര്‍ക്കര, ആട്ട, റവ, മൈദ, ഡിറ്റര്‍ജന്റുകള്‍, ടൂത്ത് പേസ്റ്റ്, സാനിറ്ററി നാപ്കിന്‍ തുടങ്ങിയവയ്ക്ക് അധിക വിലക്കുറവ് ഉണ്ടെന്ന് സപ്ലൈകോ വാര്‍ത്താക്കുറിപ്പില്‍ അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group