തിരുവനന്തപുരം– കപ്പല്‍ മുങ്ങിയതിനെത്തുടര്‍ന്നുണ്ടായ പ്രതിസന്ധിയില്‍ പ്രയാസപ്പെടുന്ന മത്സ്യത്തൊഴിലാളികള്‍ക്ക് കേരള സര്‍ക്കാര്‍ ഇടക്കാല ആശ്വാസം പ്രഖ്യാപിച്ചു.
ആയിരം രൂപയും ആറ് കിലോ അരിയും ഓരോ കുടുംബത്തിനും ലഭിക്കും. എറണാകുളം, ആലപ്പുഴ, കൊല്ലം, തിരുവനന്തപുരം ജില്ലകിളിലെ മത്സ്യത്തൊഴിലാളികള്‍ക്കാണ് തുകയും അരിയും കൈമാറുക. ഇതിനായി 10.55 കോടി രൂപ അനുവദിച്ചു. കപ്പലപകടം നടന്ന ഈ ജില്ലകളിലെ മത്സ്യത്തൊഴിലാളികളുടെ ഉപജീവന മാര്‍ഗ്ഗത്തെ സാരമായി ബാധിച്ച പശ്ചാത്തലത്തിലാണ് നടപടി. 78,498 മത്സ്യത്തൊഴിലാളി കുടുംബങ്ങളും 27,020 മത്സ്യ ബന്ധന അനുബന്ധ തൊഴിലാളി കുടുംബാംഗങ്ങളും ഇടക്കാല ആശ്വാസത്തിന്റെ ഗുണഭോക്താക്കളായിരിക്കും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group