കൊച്ചി- സിനിമാ താരങ്ങൾക്കെതിരെ അപകീർത്തി പരാമർശം നടത്തിയ കേസിൽ സമൂഹമാധ്യമങ്ങളിൽ അശ്ലീല പരാമർശം നടത്തുന്ന സന്തോഷ് വർക്കി എന്ന ആറാട്ടണ്ണൻ അറസ്റ്റിൽ. നടി ഉഷ ഹസീന, ഭാഗ്യലക്ഷ്മി, കുക്കു പരമേശ്വര് എന്നിവരുടെ പരാതിയിലാണ് ഇയാളെ അറസ്റ്റ് ചെയ്തത്. സന്തോഷ് വർക്കിയുടെ നിരന്തരമുള്ള പരാമർശങ്ങൾ സ്ത്രീത്വത്തെ അപമാനിക്കുന്നതാണെന്നും തന്നെ വ്യക്തിപരമായി വേദനിപ്പിച്ചുവെന്നും ചൂണ്ടിക്കാട്ടി നടി ഉഷ ഹസീന ആലപ്പുഴ ഡിവൈ.എസ്.പിക്ക് പരാതി നൽകിയിരുന്നു.
സിനിമ മേഖലയില് പ്രവര്ത്തിക്കുന്ന സ്ത്രീകളെല്ലാം മോശം സ്വഭാവക്കാരാണെന്നായിരുന്നു സന്തോഷ് വര്ക്കിയുടെ പരാമര്ശം. നേരത്തെയും സോഷ്യൽ മീഡിയയിലൂടെ സമാനമായരീതിയില് നടിമാര്ക്കെതിരെ ഇയാള് ഇത്തരം പരാമര്ശങ്ങള് നടത്തിയിട്ടുണ്ട്. നടി നിത്യാമേനോനെ വിവാഹം കഴിക്കണമെന്ന് ആവശ്യപ്പെട്ട് ശല്യം ചെയ്തതിന് ഇയാളെ പാലാരിവട്ടം പോലീസ് താക്കീത് ചെയ്ത് വിട്ടയച്ചതാണ്. മമ്മൂട്ടി നായകനായെത്തിയ ബസൂക്കയിൽ സന്തോഷ് വര്ക്കി അഭിനയിച്ചിട്ടുണ്ട്.