പെരിന്തൽമണ്ണ- മത സാമൂഹിക രാഷ്ട്രീയ മേഖലകളിലെ മാതൃകാ പ്രവർത്തനത്തിന് അമ്മിനിക്കാട് ഗ്ലോബൽ കെ.എം.സി.സി ഏർപ്പെടുത്തിയ പ്രഥമ എം.കെ ഹസ്സൻ ഹാജി സ്മാരക പ്രവാസി പുരസ്കാരം മുസ്ലിം ലീഗ് മലപ്പുറം ജില്ലാ ജനറൽ സെക്രറി പി അബ്ദുൽ ഹമീദ് എം.എൽ.എ സമീർ ബാബു നീലേരിക്ക് സമ്മാനിച്ചു. പെരിന്തൽമണ്ണ സി.എച് സൗധത്തിൽ നടന്ന ചടങ്ങിലാണ് പുരസ്കാരം സമ്മാനിച്ചത്.
അമ്മിനിക്കാട് പ്രദേശത്ത് മത സാമൂഹിക രാഷ്ട്രീയ വിദ്യാഭ്യാസ മേഖലകളിൽ പ്രവാസ ജീവിതത്തിലും നാട്ടിലും നേതൃത്വം നൽകി മണ്മറഞ്ഞു പോയ എം.കെ ഹസ്സൻ ഹാജിയുടെ സ്മരണക്കായാണ് ഗ്ലോബൽ കെ.എം.സി.സി യുടെ പ്രഥമ പ്രവാസി അവാർഡ്. കെ പി ഹുസൈന്റെ അധ്യക്ഷതയിൽ പി അബ്ദുൽ ഹമീദ് എം.എൽ.എ ഉദ്ഘാടനം ചെയ്തു.
നജീബ് കാന്തപുരം എം.എൽ.എ മുഖ്യപ്രഭാഷണം നടത്തി. ഫാറൂഖ് കോളേജിൽ ഗോൾഡ് മെഡലോടെ ബി.എ എക്കണോമിക്സ് ബാച്ച് ടോപ്പർ ആയി പഠനം പൂർത്തിയാക്കിയ ഹന്ന സി.എമ്മിന് നജീബ് കാന്തപുരം ഗ്ലോബൽ കെഎംസിസി യുടെ ഉപഹാരം സമ്മാനിച്ചു.
കഴിഞ്ഞ ലോകസഭാ ഇലക്ഷനിൽ മണ്ഡലത്തിൽ ഏറ്റവും കൂടുതൽ വോട്ടും ലീഡും നേടിയ ബൂത്തിനുള്ള ഉപഹാരം ഷൗക്കത്ത് മലയിലും അലി മാഷും ചേർന്ന് എം.എൽ.എയിൽനിന്നും ഏറ്റുവാങ്ങി. ഡോ . റഫീഖ് വാഫി പ്രാർത്ഥന നിർവഹിച്ചു. എ കെ മുസ്തഫ, എ കെ നാസർ, അവറാൻ ഹാജി, എം.സി ബഷീർ, ഇ കെ മൊയ്‌തീൻ ഹാജി, അഡ്വ. സലാം, അഫ്സൽ , കെ എം ഫത്താഹ്, എം ടി അലി മാഷ്, റിയാസ് ചെറുകര, സുൾഫിക്കർ , സൈദ് ആലുങ്ങൽ , സാലിഹ് കെ വി തുടങ്ങിയവർ പ്രസംഗിച്ചു. ഹന്ന സി.എം, സമീർ ബാബു നീലേരി എന്നിവർ മറുപടി പ്രസംഗം നത്തി. എ.കെ ഷംസു സ്വാഗതവും മുസ്തഫ കെ.കെ നന്ദിയും പറഞ്ഞു.