മലപ്പുറം– പാലക്കാട് മേഖലകളിലെ ജനങ്ങളുടെ യാത്രാദുരിതത്തിന് ആശ്വാസവുമായി മെമു ട്രെയിൻ സർവീസ് വരുന്നു. നിലമ്പൂര്-ഷൊര്ണൂര് റെയില്വേ സ്റ്റേഷനുകളെ ബന്ധിപ്പിച്ച് മെമു സര്വീസ് ഉടന് ആരംഭിക്കുമെന്ന് കേന്ദ്ര റെയില്വെ മന്ത്രി അശ്വിനി വൈഷ്ണവ് അറിയിച്ചു. ട്രെയിന് നമ്പര് 66325/66326 അനുവദിച്ചതായി ചൂണ്ടിക്കാട്ടി അശ്വിനി വൈഷ്ണവ് അധികൃതർക്കും പി.വി അബ്ദുല് വഹാബ് എം.പിക്കും കത്തയച്ചു.
വര്ഷങ്ങളായുള്ള ശ്രമഫലമായാണ് മെമു സര്വീസ് നിലമ്പൂരിലേക്ക് നീട്ടുന്നതിനുള്ള അറിയിപ്പ് ലഭിച്ചത് എന്ന് പി.വി അബ്ദുല് വഹാബ് എം.പി ഓഫീസ് വ്യക്തമാക്കി. ഈ ആവശ്യം ഉയര്ത്തി റെയില്വേ മന്ത്രി, ഉദ്യോഗസ്ഥര് തുടങ്ങിയ അധികാരികളെ നിരന്തരം സമീപിച്ചിരുന്നുവെന്നും വഹാബ് എം.പി പറഞ്ഞു.
കേന്ദ്ര റെയില് മന്ത്രിക്ക് എറണാകുളം-ഷൊര്ണൂര് മെമു സര്വീസ് നിലമ്പൂരിലേക്ക് നീട്ടണം എന്ന ആവശ്യമുന്നയിച്ച് ഇ.ടി മുഹമ്മദ് ബഷീർ എം. പിയും കേന്ദ്ര റെയില്വെ മന്ത്രിയെ കണ്ടിരുന്നു.