കോഴിക്കോട് – ദേശീയ പാത 66 വിപുലീകരണത്തോടനുബന്ധിച്ചുള്ള വിവിധ പ്രശ്നങ്ങൾ ചൂണ്ടിക്കാട്ടി, പൊതുമരാമത്ത് വകുപ്പ് മന്ത്രി പി.ഏ. മുഹമ്മദ് റിയാസിനും, നാഷണൽ ഹൈവേ അഥോറിറ്റി പ്രൊജക്റ്റ് ഡയറക്ടർ അശുതോഷ് സിൻഹക്കും മലബാർ ചേംബർ ഓഫ് കോമേഴ്സ് നിവേദനം നല്കി.
ദേശീയപാതയുടെ പണി കൃത്യസമയത്ത് പൂർത്തീകരിക്കുവാനും ഇതിനാവശ്യമായ പ്രവർത്തനങ്ങൾ സമയബന്ധിതമായി നടക്കുന്നുവെന്ന് ഉറപ്പുവരുത്തുവാനും നാഷണൽ ഹൈവേ അഥോറിറ്റിയടക്കമുള്ളവർക്ക് നിർദേശം നല്കുക, കരാറുകാരടക്കമുള്ളവരുടെ പ്രവർത്തനങ്ങൾ നിശ്ചിത സമയത്തിൽ ഓരോ ഘട്ടത്തിലും അവലോകനം ചെയ്യുക, പൊതുജനങ്ങൾ, കച്ചവടക്കാർ അടക്കമുള്ള പദ്ധതിയുടെ പ്രവർത്തനങ്ങളെ നേരിട്ട് ബാധിക്കുന്നവരുമായി പ്രവർത്തിയുടെ സമയാസമയത്തെ പുരോഗതിയും മറ്റും ചർച്ച ചെയ്തു ബോധ്യപ്പെടുത്തുക, ബദൽ ഗതാഗതത്തിനായി കണ്ടെത്തിയ സർവീസ് റോഡ് മഴക്കാലമായതോടുകൂടി തകർന്നതിനാൽ അടിയന്തരമായി ഇത് നന്നാക്കി സുഗമമായ ഗതാഗതത്തിനനുയോജ്യമാക്കുക, പദ്ധതി സംബന്ധമായി അതാത് ഘട്ടത്തിലുള്ള പുരോഗതി, പാത പ്രവർത്തനത്തിൻ്റെ ഭാഗമായി നിലവിലുള്ള ട്രാഫിക് സംവിധാനത്തിൽ വരുത്തുന്ന മാറ്റങ്ങൾ തുടങ്ങിയ വിവരങ്ങ ളടക്കമുള്ളവ യഥാസമയം അപ്പപ്പോൾ എല്ലാവരെയും വ്യക്തതയോടെ യഥാസമയം അറിയിക്കുവാനുള്ള സ്ഥിരം സംവിധാനമുണ്ടാക്കുക തുടങ്ങിയ ആവശ്യങ്ങളാണ് മലബാർ ചേംബർ ഓഫ് കോമേഴ്സ് പ്രസിഡൻ്റ്റ് എം. മെഹബൂബ് ബന്ധപ്പെട്ടവർക്ക് അയച്ച കത്തിൽ ആവശ്യപ്പെട്ടിരിക്കുന്നത്.