തിരുവനന്തപുരം: സിപിഐഎമ്മിന്റെ പ്രസക്തി തന്നെ നഷ്ടപ്പെട്ടു, സി.പി.എം പിരിച്ചുവിടേണ്ട സമയമായെന്നും എം.എം. ഹസന്. സി.പി.ഐ മുന്നണി വിട്ട് പുറത്ത് വരണമെന്നും എൽഡിഎഫിന് നേതൃത്വം നല്കാന് സിപിഐഎമ്മിന് അർഹതയില്ലെന്ന് സിപിഐ തിരിച്ചറിയണമെന്നും അദ്ദേഹം പറഞ്ഞു.
സിപിഐഎമ്മിനെ ബന്ധപ്പെടുത്തി പുറത്തുവന്ന അധോലോക അഴിഞ്ഞാട്ടത്തിന്റെ കണ്ണൂരിലെ കഥകള് ചെങ്കൊടിക്ക് അപമാനമെന്ന് വിലപിക്കുന്ന സിപിഐ സെക്രട്ടറി ബിനോയ് വിശ്വം എല്ഡിഎഫിന് നേതൃത്വം നല്കാന് സിപിഐഎമ്മിന് അര്ഹതിയില്ലെന്ന് തിരിച്ചറിയണമെന്നും മുന്നണി വിട്ട് പുറത്തുവരാന് തയ്യാറാകണമെന്നും അദ്ദേഹം പറഞ്ഞു.
സിപിഎമ്മിന്റെ പ്രസക്തി തന്നെ നഷ്ടപ്പെട്ടു. കമ്യൂണിസ്റ്റ് ആശയങ്ങളില് നിന്ന് വഴിമാറിയുള്ള സിപിഎമ്മിന്റെ നേതൃത്വത്തിന്റെ സഞ്ചാരത്തിന് അണികളുടെ പിന്തുണയില്ലെന്ന് സിപി.എം ജില്ലാ കമ്മിറ്റികളിലെ വിമര്ശനത്തിലൂടെ അടിവരയിടുന്നു. ഇതിലുള്ള പ്രതിഷേധവും സ്വന്തം നേതാക്കളോടുള്ള അവിശ്വാസവും കാരണമാണ് കഴിഞ്ഞ ലോക്സഭാ തിരഞ്ഞെടുപ്പില് ബിജെപിക്ക് വോട്ട് ചെയ്യാന് സിപിഎം അണികള് തീരുമാനിച്ചത്. നേതാക്കള് പകര്ന്ന് നല്കിയ അന്ധമായ കോണ്ഗ്രസ് വിരോധവും സ്വന്തം നേതാക്കള്ക്ക് ബിജെപി നേതാക്കളോടുളള അടുപ്പവും സിപിഎം അണികളെ ബിജെപിയിലേക്ക് അടുപ്പിക്കുകയും ചെയ്തുവെന്നും ഹസന് പറഞ്ഞു.