കണ്ണൂർ – വശീകരണ ബാധയകറ്റാനെന്ന പേരിൽ പൂജയ്‌ക്കെത്തിയ വീട്ടിൽ 19 കാരിയെ പീഡിപ്പിക്കാൻ ശ്രമിച്ചതിന് തെയ്യം കലാകാരൻ അറസ്റ്റിൽ. മുട്ടന്നൂർ സ്വദേശി രമേശൻ മടയനെ (59) യാണ് എടക്കാട് സി.ഐ: ശംഭുനാഥ് അറസ്റ്റ് ചെയ്തത്.
എടക്കാട് പോലീസ് പരിധിയിലെ ഒരു വീട്ടിലായിരുന്നു പീഡനശ്രമം അരങ്ങേറിയത്. നേരത്തെ കാമുകനൊപ്പം ഒളിച്ചോടിയ പെൺകുട്ടി മടങ്ങിയെത്തിയപ്പോഴാണ് കുട്ടിയെ വശീകരിച്ച് കൊണ്ടുപോയതാണെന്ന നിഗമനത്തിൽ വീട്ടുകാർ പൂജ നടത്താൻ തീരുമാനിച്ചത്. വശീകരണബാധ ഒഴിവാക്കാൻ പൂജ കൊണ്ട് സാധിക്കുമെന്ന് രമേശൻ മടയൻ നിർദേശിക്കുകയായിരുന്നു. ഇതനുസരിച്ച് വീട്ടി ലെത്തിയ ഇയാൾ ആദ്യം പെൺകുട്ടിയുടെ മാതാവിനെ പൂജയ്ക്കിരുത്തി മന്ത്രങ്ങൾ ഉരുവിട്ട് വീട്ടുകാരുടെ വിശ്വാസം നേടി യെടുക്കുകയായിരുന്നു. ഇതിനു ശേഷം പെൺകുട്ടിയുടെ മുറിയിൽ പ്രവേശിച്ച് വാതിലടച്ച് ഇയാൾ പൂജ തുടങ്ങിയത്രെ. അൽപം കഴിഞ്ഞതോടെ പെൺകുട്ടി നിലവിളിച്ചപ്പോഴാണ് വീട്ടുകാർ ഇടപെട്ട് വാതിൽ തുറപ്പിച്ചത്.
പൂജാരി തന്നെ കയറിപ്പിടി ക്കുകയും ലൈംഗിക പീഡനത്തിനിരയാക്കാൻ ശ്രമിക്കുകയുമായിരുന്നുവെന്ന് വെളിപ്പെടുത്തിയതോടെ വിവരം പോലീസിലറിയിച്ചു. പോലീസെത്തി ഇയാളെ കസ്റ്റഡിയിലെടുക്കുകയായിരുന്നു.
രമേശൻ മടയൻ അന്ധവിശ്വാസങ്ങളുടെ പേരിൽ നിരന്തരം ഇത്തരം പൂജയ്ക്ക് സമ്മർദം ചെലുത്തുന്നയാളാണത്രെ. നേരത്തെ യുക്തിവാദിയായിരുന്ന രമേശൻ മാമാനിക്കുന്ന് മഹാദേവി ക്ഷേത്രത്തിൽ ഊട്ടു പുരയിൽ ജീവനക്കാരനായിരുന്നു. ഇവിടെ കൈനോട്ടക്കാരായ പലരോടും ചങ്ങാത്തം സ്ഥാപിച്ച് സ്വയം കൈനോട്ടക്കാരനായി മാറുകയായിരുന്നു. പിന്നീട് ഓൺലൈൻ ജ്യോതിഷിയായും വീടുകളിൽ പരിഹാര പൂജകൾ നടത്തിയും അന്ധവിശ്വാസികളുടെ ഇടയിൽ പ്രിയപ്പെട്ടവനായി. അങ്ങനെയാണ് എട ക്കാട് പീഡനത്തിനിരയായ പെൺകുട്ടിയുടെ വീട്ടിലും ഇയാൾക്ക് പൂജക്കെത്താൻ വഴി യൊരുങ്ങിയത്. ഇയാളുടെ അറസ്റ്റ് രേഖപ്പെടുത്തിയ പോലീസ് വിശദമായ മൊഴിയെടുത്ത ശേഷം മജിസ്ട്രേറ്റ് മുമ്പാകെ ഹാജരാക്കി റിമാൻഡു ചെയ്തു.