മാഹി– ദിവസങ്ങള്ക്ക് പൂട്ടിയിട്ട വീട്ടിൽ മോഷണം ശ്രമം നടത്തിയ കള്ളനെ പോലീസ് പിടിച്ചു. വിദേശത്തു നിന്ന് മാഹി സ്വദേശി ശശിധരന് രാവിലെ ഉണർന്നപ്പോൾ വെറുതെ നാട്ടിലെ സി.സി.ടി.വി പരിശോധിച്ചപ്പോൾ ഞെട്ടിപ്പോയി. വീടിനു മുന്പില് ഒരാളനക്കം. തന്റെ ന്യൂസീലന്ഡ് സന്ദര്ശനത്തിനിടെയാണ് വീട്ടിൽ ഇൻസ്റ്റാൾ ചെയ്ത സി.സി.ടി.വിയുടെ ആപ്പ് ഫോണിൽ തുറന്ന് നോക്കിയത്. മാഹി റെയില്വെ സ്റ്റേഷന് റോഡിലെ വീട്ടിലാണ് സംഭവം. നാട്ടിൽ അർധരാത്രിയായിരുന്നു സമയം. വീടിന് മുന്നിലെ വാതില് തകര്ത്ത് ഒരാള് അകത്തേക്ക് കയറുന്നതാണ് ശ്രദ്ധയില്പ്പെട്ടത്. ഉടനെ തൊട്ടടുത്ത് താമസിക്കുന്ന സഹോദരന് സുരേഷിനെ വിളിച്ച് കാര്യം അറിയിച്ചു. സുരേഷ് നാട്ടുകാരെയും.
നാട്ടുകാർ വീട് വളഞ്ഞ് മിനിറ്റുകള്ക്കുള്ളില് സംഭവസ്ഥലത്തേക്ക് മാഹി പോലീസുമെത്തി. വീടിന്റെ ഉള്ളില്ക്കയറി പരിശോധിച്ചെങ്കിലും ആരെയും കിട്ടിയില്ല. പിന്നീട് വിശദമായ പരിശോധനയിലാണ് കട്ടിനടിയില് നിന്ന് ആളെ പിടികൂടിയത്. അബുദാബി റിഗ്ഗിലെ ജോലിക്കാരനായ ശശിപ്രകാശ് മകള്ക്കും കുടുംബത്തിനുമൊപ്പം സമയം ചിലവഴിക്കാൻ ഭാര്യ പ്രീതിയോടൊപ്പം ന്യൂസീലന്ഡില് പോയത്. കേരളത്തിലും കര്ണാടകയിലും ഒട്ടേറെ മോഷണക്കേസുകളില് പിടിയിലായി ശിക്ഷ കഴിഞ്ഞിറങ്ങിയ ചിക്ക്മംഗളൂരുവിലെ അനില് കുമാര്(39) ആയിരുന്നു മോഷ്ടാവ്. പ്രതിയെ മാഹി കോടതി റിമാന്ഡ് ചെയ്തു.