കോഴിക്കോട്: കോഴിക്കോട്ട് കുണ്ടായിത്തോട് വിവാഹസല്‍ക്കാരത്തിനെത്തിയ യുവതിയും മകളും ട്രെയിനിടിച്ചു മരിച്ചു. ഒളവണ്ണ മാത്തറ സ്വദേശി നിസാറിന്റെ ഭാര്യ നസീമ(36), മകള്‍ ഫാത്തിമ നഹ് ല(15) എന്നിവരാണ് മരിച്ചത്.
കുണ്ടായിത്തോട് കല്ലേരിപ്പാറയില്‍ ഹംസക്കോയയുടെ മകന്‍ ഹാരിസിന്റെ വിവാഹസല്‍ക്കാരച്ചടങ്ങില്‍ പങ്കെടുക്കാനെത്തിയതായിരുന്നു യുവതിയും മകളും. റെയില്‍ പാളം മുറിച്ചുകടക്കവെ ഇരുവരെയും കൊച്ചുവേളി-ചണ്ഡീഗഡ് സമ്പര്‍ക്ക് ക്രാന്തി ട്രെയിന്‍ ഇടിക്കുകയായിരുന്നു. ഇന്ന്(തിങ്കൾ)വൈകിട്ട് അഞ്ചിനാണ് സംഭവം. നസീമ സംഭവസ്ഥലത്തുവച്ചും ഫാത്തിമ നഹ് ല ആശുപത്രിയില്‍ വച്ചുമാണ് മരിച്ചത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group