ദമാം. ഒ.ഐ.സി.സി ദമാം റീജ്യൺ പത്തനംതിട്ട ജില്ലാ കമ്മിറ്റിയുടെ കുടുംബസംഗമം ‘മാറ്റൊലി 2024’ ൽ വിശിഷ്ടാതിഥിയായി പങ്കെടുക്കാൻ ദമ്മാമിലെത്തിയ കെ.പി.സി.സി ജനറൽ സെക്രട്ടറി അഡ്വ.പഴകുളം മധുവിന് ദമ്മാം കിംഗ് ഫഹദ് അന്താരാഷ്ട്ര വിമാനത്താവളത്തിൽ പത്തനംതിട്ട ജില്ലാ കമ്മിറ്റി നേതാക്കളും ഗ്ലോബൽ – നാഷണൽ – റീജ്യണൽ കമ്മിറ്റി നേതാക്കളും ചേർന്ന് ഊഷ്മളമായ വരവേല്പ് നൽകി.
ജില്ലാ പ്രസിഡൻറ് തോമസ് തൈപ്പറമ്പിൾ അദ്ദേഹത്തെ ഷാൾ അണിയിച്ച് സ്വീകരിച്ചു. ഗ്ലോബൽ കമ്മിറ്റി പ്രതിനിധികളായ ഹനീഫ് റാവുത്തർ, സി. അബ്ദുൽ ഹമീദ്, ജോൺ കോശി, നാഷണൽ കമ്മിറ്റി പ്രതിനിധി റഫീഖ് കൂട്ടിലങ്ങാടി, റീജ്യണൽ കമ്മിറ്റി ജനറൽ സെക്രട്ടറി ജേക്കബ്ബ് പാറയ്ക്കൽ, റീജ്യണൽ കമ്മിറ്റി ഓഡിറ്റർ ബിനു പി ബേബി, ജില്ലാ ജനറൽ സെക്രട്ടറി ജോജി വി ജോസഫ്, ജില്ലാ നേതാക്കളായ എബ്രഹാം തോമസ് ഉതിമൂട്, മാത്യു പി ബേബി, ബേബിച്ചൻ ഇലന്തൂർ, ഖോബാർ എരിയ പ്രസിഡൻറ് സജൂബ് അബ്ദുൽ ഖാദർ എന്നിവർ സന്നിഹിതരായിരുന്നു.