തൃശൂർ: ചേലക്കര ഉപതെരഞ്ഞെടുപ്പിൽ എൽഡിഎഫ് സ്ഥാനാർഥി യു.ആർ. പ്രദീപിന് വിജയം. 28 വർഷമായി തുടർച്ചയായി ചെങ്കോടി പാറിച്ച മണ്ഡലം ഇത്തവണയും ഇടതുപക്ഷത്തിനെ കൈവിട്ടില്ല. 12122 വോട്ടുകളുടെ ഭൂരിപക്ഷത്തിലാണ് പ്രദീപിന്റെ വിജയം.
വോട്ടെണ്ണലിന്റെ ആദ്യ ഘട്ടം മുതല് കൃത്യമായി ലീഡ് നിലനിര്ത്തിയാണ് പ്രദീപ് മുന്നേറിക്കൊണ്ടിരിക്കുന്നത്. ആദ്യറൗണ്ടില് 1890 വോട്ടുകളുടെ ലീഡ് സ്വന്തമാക്കിയ പ്രദീപ് ഓരോ റൗണ്ടിലും ലീഡുയര്ത്തി. ഒരു ഘട്ടത്തില്പ്പോലും യുഡിഎഫ് സ്ഥാനാര്ഥി രമ്യ ഹരിദാസിന് ലീഡ് പിടിക്കാനായില്ല.
വരവൂര്, ദേശംമഗലം, വള്ളത്തോള്നഗര്, പാഞ്ഞാള് പഞ്ചായത്തുകളിലാണ് ആദ്യ റൗണ്ടുകളില് വോട്ടെണ്ണിയത്. എല്ഡിഎഫിന് ശക്തമായ സ്വാധീനമുള്ള മേഖലകളായതിനാല് ലീഡ് പരമാവധി കുറക്കാനാകുമെന്നാണ് യുഡിഎഫ് പ്രതീക്ഷിച്ചത്. എന്നാല്, പ്രതീക്ഷിച്ച മുന്നേറ്റമുണ്ടാക്കാന് യുഡിഎഫിന് സാധിച്ചില്ല. എല്ലാ മേഖലകളിലും ഇടതുക്യാമ്പ് പ്രതീക്ഷിച്ചതുപോലെ യു.ആര് പ്രദീപ് വോട്ടുകള് സമാഹരിച്ചു.