കോഴിക്കോട് നഗരത്തിൽ തീപിടിത്തം, ആളപായമില്ല

കോഴിക്കോട്- നഗരത്തിലെ വെള്ളയിൽ ഗാന്ധി റോഡിലെ വർക്ക്ഷോപ്പിൽ തീപിടിത്തം. രാവിലെ പത്തരയോടെയാണ് സംഭവം. സമീപത്തെ തെങ്ങിനും തീപിടിച്ചു. ആളപായമില്ല. തീപിടിത്തമുണ്ടായി അരമണിക്കൂറിന് ശേഷം ഫയർഫോഴ്സ് സംഘം സ്ഥലത്തെത്തി. വർക് ഷോപ്പിന് അകത്തെ തൊഴിലാളികൾ സുരക്ഷിതരാണ്. നിരവധി വാഹനങ്ങളും വർക് ഷോപ്പിന് അകത്ത് നിർത്തിയിട്ടിരുന്നു.