മലപ്പുറം കാടാമ്പുഴയിൽ ബൈക്ക് കിണറ്റിലേക്ക് മറിഞ്ഞ് പിതാവും മകനും മരിച്ചു

മലപ്പുറം- കാടാമ്പുഴയിൽ നിയന്ത്രണം വിട്ട ബൈക്ക് മതിലിലിടിച്ച് കിണറ്റിലേക്ക് മറിഞ്ഞ് പിതാവും മകനും മരിച്ചു. മലപ്പുറം കാടാമ്പുഴ സ്റ്റേഷൻ പരിധിയിലെ മാറാക്കര പഞ്ചായത്തിലെ കീഴ്‌മുറിയിലാണ് ദാരുണമായ അപകടം സംഭവിച്ചത്. രണ്ടത്താണി സ്വദേശി കെ.പി. ഹുസൈൻ (70), മകൻ ഹാരിസ് ബാബു (30) എന്നിവരാണ് മരിച്ചത്. സാരമായി പരിക്കേറ്റ ഇരുവരെയും ചങ്കുവെട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. ഇന്ന് രാവിലെ 10.30ഓടെയായിരുന്നു അപകടം സംഭവിച്ചത്.