കോട്ടയം സ്വദേശികളായ ദമ്പതികളും മകനും തമിഴ്നാട്ടിൽ കാറിൽ മരിച്ച നിലയിൽ

കോട്ടയം – തമിഴ്നാട്ടിലെ കമ്പത്ത് കോട്ടയം പൂവത്തുമുട് സ്വദേശികളായ മൂന്നു പേരെ കാറിൽ മരിച്ച നിലയിൽ കണ്ടെത്തി. വാകത്താനം പോലീസ് കഴിഞ്ഞദിവസം മിസിങ് കേസ് രജിസ്റ്റർ ചെയ്തിരുന്നു.

വാകത്താനത്ത് വാടകയ്ക്ക് താമസിക്കുന്ന സജി (60) , ഭാര്യ മേഴ്സി (58) മകൻ അഖിൽ (29) എന്നിവരെയാണ് മരിച്ച നിലയിൽ കണ്ടെത്തിയത്. സാമ്പത്തിക ബാധ്യതയെ തുടർന്ന് ഇവർ നാടുവിട്ടതാകമെന്ന് പോലീസ് പറയുന്നു

പുതുപ്പള്ളി കാഞ്ഞിരത്തുംമൂട് സ്വദേശികളായ ഇവർ വാകത്താനം ടാബോർ പള്ളിയ്ക്ക് സമീപം വാടകയ്ക്ക് താമസിക്കുകയായിരുന്നു.