തിരുവനന്തപുരം: സംസ്ഥാനത്ത് ലോക്സഭ തെരഞ്ഞെടുപ്പിന്റെ പരസ്യപ്രചാരണം അവസാനിച്ചു. നാടും നഗരവും ഇളക്കിമറിച്ചുകൊണ്ടുള്ള കൊട്ടിക്കലാശത്തിൽ ആവേശം അണപൊട്ടിയൊഴുകി. യുഡിഎഫ്, എൽഡിഎഫ്, എൻഡിഎ സ്ഥാനാർഥികളും പ്രവർത്തകരും 20 മണ്ഡലങ്ങളിലെയും നഗരങ്ങൾ കീഴടക്കി തകർപ്പൻ പ്രകടനം നടത്തി. മുന്നണികളുടെ റോഡ് ഷോകളിൽ ആയിരങ്ങൾ പങ്കുകൊണ്ടു. കൊടിതോരണങ്ങളും ബലൂണുകളും കൂറ്റൻ ഫ്ലക്സ് ബോർഡുകളും ചെണ്ടമേളങ്ങളും കൊണ്ട് കൊട്ടിക്കലാശം ആവേശത്തിലാക്കിയിരിക്കുകയാണ് ഓരോ മുന്നണികളും. അതേസമയം വയനാട്ടിയിൽ യുഡിഎഫ് പാതകകൾ ഉപയോഗിക്കാതെയാണ് കൊട്ടികലാശത്തിനും എത്തിയത്.
മലപ്പുറത്തും ഇടുക്കിയിലും നേരിയ സംഘർഷം ഉണ്ടായി. ആയിരക്കണക്കിന് പോലീസുകാരെയാണ് ഓരോ മണ്ഡലത്തിലും സുരക്ഷയ്ക്കായി ചുമലതപ്പെടുത്തിയിരിക്കുന്നത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group