എടപ്പാള്‍- എടപ്പാളിലെ മാധ്യമപ്രവര്‍ത്തകരുടെ കൂട്ടായ്മയായ എടപ്പാള്‍ പ്രസ് റിപ്പോര്‍ട്ടേഴ്‌സ് ക്ലബ്ബിൻ്റെ ഓഫീസ് ഉദ്ഘാടനവും മണ്‍മറഞ്ഞുപോയ മാധ്യമ പ്രവർത്തകരായ ഹംസ അണ്ണക്കമ്പാട്, എം.ടി വേണു, എം.പി സിജീഷ്, വിക്രമന്‍ പൊന്നാനി, മുരളി പീക്കാട്, എം വി നൗഫല്‍ എന്നിവരെ അനുസ്മരിക്കലും ഞായറാഴ്ച വൈകീട്ട് 4 -ന് എടപ്പാള്‍ കുറ്റിപ്പുറം റോഡിലെ എമിറേറ്റ്‌സ് മാള്‍ ഓഡിറ്റോറിയത്തില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
കേരള പത്രപ്രവര്‍ത്തക യൂണിയന്‍ സംസ്ഥാന ജനറല്‍ സെക്രട്ടറിയായി തെരഞ്ഞെടുക്കപ്പെട്ട സുരേഷ് എടപ്പാളിനെ ആദരിക്കും. അംഗങ്ങള്‍ക്കുള്ള തിരിച്ചറിയല്‍ കാര്‍ഡ് വിതരണവും നടക്കും. കെ ടി ജലീല്‍ എം.എല്‍.എ ഉദ്ഘാടനം ചെയ്യും. ആലങ്കോട് ലീലാകൃഷ്ണന്‍ അനുസ്മരണ പ്രഭാഷണം നടത്തും. പൊന്നാനി ബ്ലോക്ക് പഞ്ചായത്ത് പ്രസിഡന്റ് സി രാമകൃഷ്ണന്‍ തിരിച്ചറിയല്‍ കാര്‍ഡ് വിതരണം ചെയ്യും. ശബരിമല മാളികപ്പുറം മുൻ മേൽശാന്തി പി എം മനോജ് എമ്പ്രാന്തിരി വിശിഷ്ടാതിഥിയാകും. കേരള വിഷൻ എം.ഡി രാജ് മോഹൻ സുരേഷ് എടപ്പാളിനെ അനുമോദിക്കും. എടപ്പാള്‍, വട്ടംകുളം, കാലടി പഞ്ചായത്ത് പ്രസിഡന്റുമാരായ സി വി സുബൈദ, എം എ നജീബ്, കെ ജി ബാബു തുടങ്ങി സാമൂഹ്യസാംസ്‌കാരിക രാഷ്ട്രീയ രംഗത്തെ പ്രമുഖര്‍ ചടങ്ങില്‍ പങ്കെടുക്കും.
പ്രസ് ക്ലബ്ബ് രക്ഷാധികാരി ഉണ്ണി ശുകപുരം, പ്രസിഡന്റ് വി സെയ്ത്, സെക്രട്ടറി കണ്ണന്‍ പന്താവൂര്‍, ട്രഷറര്‍ പ്രശാന്ത്, പി ആര്‍ ഹരികുമാര്‍, ബഷീർ അണ്ണക്കമ്പാട്, ടി.കെ.അരവിന്ദൻ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.