താമരശ്ശേരിയിൽ തിളച്ച പാൽ ദേഹത്ത് മറിഞ്ഞ് കുഞ്ഞ് മരിച്ചു

കോഴിക്കോട്: തിളച്ച പാൽ ദേഹത്ത് മറിഞ്ഞുവീണ് ചികിത്സയിലായിരുന്ന കുഞ്ഞ് മരിച്ചു. താമരശ്ശേരി ചുങ്കം കയ്യേലിക്കുന്നിൽ താമസിക്കുന്ന നസീബ്-ജസ്‌ന ദമ്പതികളുടെ മകൻ അസ്‌ലൻ അബ്ദുല്ല(ഒരു വയസ്സ്)യാണ് മരിച്ചത്.

ശനിയാഴ്ച രാത്രിയാണ് കുഞ്ഞിന്റെ ദേഹത്ത് തിളച്ചപാൽ മറിഞ്ഞത്. തുടർന്ന് കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിൽ കഴിയവെയാണ് മരണം.