കൊല്ലം– കിളിക്കൊല്ലൂരിൽ കാണാതായ പ്ലസ്ടു വിദ്യാര്ഥിനിയുടെ മൃതദേഹം ഓടയില് നിന്ന് കണ്ടെത്തി. കിളികൊല്ലൂര് സ്വദേശി നന്ദ സുരേഷ്(17)ന്റെ മൃതദേഹമാണ് വീടിനോട് ചേര്ന്ന ഓടയില് നിന്ന് കണ്ടെത്തിയത്. ഇന്നലെ വൈകുന്നേരം മുതലാണ് നന്ദയെ കാണാതായത്. നാട്ടുകാര് നടത്തിയ പരിശോധനയില് ഇന്ന് വൈകിട്ടാണ് മൃതദേഹം കണ്ടെത്തിയത്. നാട്ടുകാരും പോലീസും ചേര്ന്ന് മൃതദേഹം ആശുപത്രിയിലേക്ക് മാറ്റി. സംഭവത്തില് ദുരൂഹതയില്ലെന്നാണ് പോലീസിന്റെ പ്രാഥമിക നിഗമനം. പോസ്റ്റ്മോര്ട്ടം നടപടികള്ക്ക് ശേഷം മൃതദേഹം ബന്ധുക്കള്ക്ക് വിട്ടുകൊടുക്കും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group