ബൈക്കും ബസും കൂട്ടിയിടിച്ച് മലപ്പുറം മഅ്ദിൻ പോളി വിദ്യാർത്ഥി മരിച്ചു

മലപ്പുറം- ബൈക്കും ബസും കൂട്ടിയിടിച്ച് മലപ്പുറം മഅ്ദിൻ പോളിടെക്നിക് കോളെജ് വിദ്യാർത്ഥി മരിച്ചു. പറമ്പിൽ പീടിക വരപ്പാറ പരേതനായ ചെമ്പൻ അഷ്‌റഫിന്റെ മകൻ മുഹമ്മദ്‌ ഹാഷിർ (19) ആണ് മരിച്ചത്. തിങ്കളാഴ്ച രാവിലെ 9 മണിയോടെ പാലക്കാട്‌ – കോഴിക്കോട് ദേശീയപാതയിൽ വള്ളുവമ്പ്രം അത്താണിക്കലിലായിരുന്നു അപകടം. കൂട്ടുകാരനോടൊപ്പം കോളേജിലേക്കുള്ള യാത്രക്കിടെയാണ് അപകടമുണ്ടായത്. രണ്ടാം വർഷ ഇലക്ട്രിക്കൽ ആന്റ് ഇലക്ട്രോണിക്സ് വിദ്യാർത്ഥിയാണ് ഹാഷിർ. സഹോദരങ്ങൾ: അജ്മൽ സുനൂൻ, തബ്‌ഷീർ, മിദ്ലാജ്.