സി.ജെ വാഹിദിന് പുരസ്കാരം

പ്രശസ്ത മാധ്യമപ്രവർത്തകനും എഴുത്തുകാരനും ജീവകാരുണ്യ പ്രവർത്തകനുമായ സിജെ വാഹിദിന് കറ്റാനം ഇലിപ്പക്കുളം ഇലങ്കത്തിൽ ദേവീക്ഷേത്രം ട്രസ്റ്റ് ഏർപ്പെടുത്തിയ “ഇലങ്കത്തിൽ അമ്മ ശ്രേഷ്ഠ പുരസ്കാരം”. കഴിഞ്ഞ നാലു ദശാബ്ദക്കാലമായി ദൂരദർശനിൽ വാർത്താവതാരകൻ റിപ്പോർട്ടർ കമൻ്റെറ്റർ,സ്ക്രിപ്റ്റ് റൈറ്റർ ,തുടങ്ങി വിവിധ നിലകളിൽ വ്യക്തിമുദ്ര പതിപ്പിച്ച സി ജെവാഹിദ്, കറ്റാനം അസോസിയേഷൻ പ്രസിഡൻറ് എന്ന നിലയിൽ ഒട്ടേറെ ജീവകാരുണ്യ പ്രവർത്തനങ്ങൾക്ക് നേതൃത്വം നൽകിവരുന്നു .മികച്ച വാർത്ത അവതാരകൻ റിപ്പോർട്ടർ, കമൻ്റെറ്റർ തുടങ്ങിയ നിലകളിലെല്ലാം ഒട്ടേറെ അവാർഡുകൾ കരസ്ഥമാക്കിയിട്ടുണ്ട്. ഫോട്ടോഗ്രാഫർ, യൂട്യൂബർ എന്നീ നിലകളിലും വ്യക്തിമുദ്ര പതിപ്പിച്ചിട്ടുണ്ട്. ദൃശ്യമാധ്യമ രംഗത്തെ മികവാർന്ന പ്രവർത്തനങ്ങൾക്കാണ് പുരസ്കാരം. അടുത്തിടെ ആറാട്ടുപുഴ വേലായുധ പണിക്കർ പ്രതിഭാ പുരസ്കാരവും പഴകുളം സൗഹൃദവേദി മാധ്യമ ശ്രേഷ്ഠ പുരസ്കാരവും ലഭിച്ചിരുന്നു. ഇലിപ്പക്കുളത്തെ പ്രശസ്തമായ ചെ ങ്ങാപ്പള്ളിൽ കുടുംബാംഗമാണ്. മാസിനയാണ് ഭാര്യ. ഇജാസ് വാഹിദ് (എൻജിനീയർ ,ബംഗളൂരു) ഫാത്തിമ എ.വാഹിദ് (എൻജിനീയർ ഹൈദരാബാദ്) എന്നിവർ മക്കളും നഹ് ല അസ്‌ലം മരുമകളുമാണ്.ഇലിപ്പക്കുളം ഇലങ്കത്തിൽ ദേവി ക്ഷേത്ര ട്രസ്റ്റ് ബഹുമുഖ പ്രതിഭകൾക്കായി ഏർപ്പെടുത്തിയതാണ് പുരസ്കാരം. ഫെബ്രുവരി 12 വൈകുന്നേരം 7 മണിക്ക് ക്ഷേത്രാങ്കണത്തിൽ നടക്കുന്ന ചടങ്ങിൽ പുരസ്കാരം സമ്മാനിക്കുമെന്ന് ക്ഷേത്ര ഭാരവാഹികൾ അറിയിച്ചു.