തിരുവനന്തപുരം- ബിഹാർ ഗവർണറായി ആരിഫ് മുഹമ്മദ് ഖാൻ പോകുന്ന സഹചര്യത്തിൽ പകരം കേരളത്തിന്റെ ഗവർണറായി എത്തുന്ന രാജേന്ദ്ര അലർക്കറും വിവാദമുണ്ടാക്കുന്നതിൽ രസം കണ്ടെത്തുന്നയാൾ. കേരളത്തിന്റെ ഗവണർണറായി ആരിഫ് മുഹമ്മദ് ഖാൻ ചുമതലയേറ്റതുമുതൽ കേരളത്തിൽ സർക്കാരും ഗവർണറും തമ്മിൽ എന്നും തർക്കങ്ങളായിരുന്നു. ആരിഫ് മുഹമ്മദ് ഖാനെ പോലെ വിവാദങ്ങളുടെ കളിത്തോഴനാണ് നിയുക്ത ഗവർണറും എന്നാണ് വ്യക്തമാകുന്നത്.
ബ്രിട്ടീഷുകാർ ഇന്ത്യ വിടാൻ കാരണം സത്യഗ്രഹമല്ലെന്നും ഇന്ത്യക്കാർ ആയുധമെടുത്തത് കൊണ്ടുമാണെന്നാണ് കഴിഞ്ഞ ദിവസം രാജേന്ദ്ര അലർക്കർ പറഞ്ഞത്. മഹാത്മാഗാന്ധിയെ അവഹേളിക്കുകയാണ് ഇദ്ദേഹം ചെയ്തത് എന്ന് ചൂണ്ടിക്കാട്ടി കോൺഗ്രസ് രംഗത്തെത്തിയിരുന്നു.
ബ്രിട്ടീഷ് ഭരണത്തിനെതിരായ അഹിംസാത്മക പോരാട്ടത്തിന് നേതൃത്വം നൽകിയ, സത്യാഗ്രഹത്തിൻ്റെ ഉറച്ച വക്താവായ മഹാത്മാഗാന്ധിയോടുള്ള അവഹേളനമാണ് ഗവർണർ നടത്തിയത് എന്ന് ആരോപിച്ചു. ഇക്കഴിഞ്ഞ വെള്ളിയാഴ്ച ഒരു ഒരു പുസ്തക പ്രകാശന ചടങ്ങിൽ സംസാരിക്കവെയാണ് ഗവർണറുടെ വിവാദ പ്രസ്താവന വന്നത്.
“ആക്രമണക്കാർ ഒരു ആഖ്യാനം സൃഷ്ടിക്കാൻ ശ്രമിച്ചു. ഇന്ത്യൻ സ്വാതന്ത്ര്യ സമരത്തിന് ആയുധങ്ങൾ ഇല്ലായിരുന്നു എന്ന ആഖ്യാനം. സത്യാഗ്രഹം കൊണ്ടല്ല അവർ ഇന്ത്യ വിട്ടത്. എന്നാൽ ഞങ്ങളുടെ കയ്യിൽ ആയുധങ്ങൾ കണ്ടപ്പോൾ നാം ഏതറ്റം വരെയും പോകുമെന്ന് തിരിച്ചറിഞ്ഞപ്പോഴാണ് അവർ രാജ്യം വിട്ടത്. ആ കാലഘട്ടത്തിലെ ബ്രിട്ടീഷ് പാർലമെൻ്റ് അംഗങ്ങളുടെ പ്രസംഗങ്ങൾ പരിശോധിക്കാൻ അർലേക്കർ ജനങ്ങളോട് അഭ്യർത്ഥിച്ചു. എം.പിമാർ സത്യാഗ്രഹത്തെ മാത്രമല്ല, സായുധ സമരത്തെയും പരാമർശിച്ചു. ഇന്ത്യക്കാർ അടിമകളാകാൻ വിധിക്കപ്പെട്ടവരാണെന്ന ഒരു വിവരണം ഇന്ത്യൻ കൗൺസിൽ ഫോർ ഹിസ്റ്റോറിക്കൽ റിസർച്ച് (ഐസിഎച്ച്ആർ) പ്രചരിപ്പിച്ചതായും ഈ കാഴ്ചപ്പാടിനെ അന്നത്തെ സർക്കാർ പിന്തുണച്ചിരുന്നുവെന്നും കോൺഗ്രസിൻ്റെ പേര് പരാമർശിക്കാതെ അദ്ദേഹം അവകാശപ്പെട്ടിരുന്നു.
2002ലും 2012-ലും ഗോവയിൽനിന്ന് ബി.ജെ.പി സ്ഥാനാർത്ഥിയായി നിയമസഭയിൽ എത്തിയ അർലേക്കർ സ്പീക്കർ, മന്ത്രി പദവികളും വഹിച്ചിരുന്നു. ബി.ജെ.പിയുടെ ഗോവ പ്രസിഡന്റ്, ദേശീയ നിർവാഹക സമിതി അംഗം എന്നീ നിലകളിലും പ്രവർത്തിച്ചിരുന്നു. ആർ.എസ്.എസിലൂടെ വളർന്നുവന്ന നേതാവ് കൂടിയാണ് അർലേക്കർ.