വയനാട്ടിൽ ആശ്വാസമായി വ്യോമസേനയുടെ ഹെലികോപ്റ്റർ, പരിക്കേറ്റവരെ എയർലിഫ്റ്റ് ചെയ്തു

കൽപ്പറ്റ- കനത്ത ഉരുൾപ്പൊട്ടലുണ്ടായ വയനാട്ടിലെ മുണ്ടക്കൈയിൽ ഇന്ത്യൻ നാവികസേനയുടെ ഹെലികോപ്റ്റർ ലാന്റ് ചെയ്തു. ഈ മേഖലയിൽ കുടുങ്ങിയവരെ രക്ഷിക്കാനാണ് അതീവ ദുഷ്കര സഹചര്യത്തിൽ വ്യോമസേനയുടെ ഹെലികോപ്റ്റർ ഇറങ്ങിയത്. ഇന്ത്യൻ എയർഫോഴ്സിന്റെ ധ്രുവ് എന്ന ഹെലികോപ്റ്ററാണ് ഇവിടെ ഇറങ്ങിയത്. നേരത്തെ ഇവിടെ എത്തിയ ഹെലികോപ്റ്റർ പ്രതികൂല കാലാവസ്ഥ കാരണം തിരിച്ചുപോയിരുന്നു.

ഇവിടെ കുടുങ്ങിയവരെ എയർലിഫ്റ്റ് ചെയ്ത് പുറത്തേക്ക് കൊണ്ടുപോകുകയാണ് വ്യോമസേന. ഉരുൾപൊട്ടലിൽ തകർന്ന റോഡിന്റെ ഒരു ഭാഗത്താണ് വായുസേനയുടെ ഹെലികോപ്റ്റർ ഇറങ്ങിയത്. കനത്ത മൂടൽ മഞ്ഞ് കാരണം ദൃശ്യപരത കുറവായിരുന്നു. ഇവിടെനിന്നാണ് പരിക്കേറ്റവരെയുമായി വ്യോമസേനയുടെ ഹെലികോപ്റ്റർ പറന്നുയരുന്നത്. കൂടുതൽ ഹെലികോപ്റ്ററുകൾ മേഖലയിലേക്ക് വരും.