ന്യൂഡൽഹി- ഡൽഹിയിൽ സമര സാഗരം തീർത്ത് സുപ്രീം കോടതിയെ ലക്ഷ്യമാക്കി ചലോ ദില്ലി മാർച്ച് പുരോഗമിക്കുന്നു. ഗ്യാനേഷ് കുമാറിന്റെ രാജി വെക്കും വരെ സമരമെന്ന് പ്രഖ്യാപിച്ച രാഹുൽ ഗാന്ധി, ഇത് ഭാവിക്കായുള്ള പോരാട്ടമാണെന്നും പ്രഖ്യാപിച്ചു. ബാരക്കംബയിൽ നിന്ന് പദയാത്രയായാണ് നേതാക്കൾ സുപ്രീം കോടതിയിലേക്ക് നീങ്ങുന്നത്. ചീഫ് ജസ്റ്റിസ് സൂര്യകാന്ത് കൂടിക്കാഴ്ചക്ക് അനുമതി നിഷേധിച്ച സാഹചര്യത്തിൽ കൂട്ടത്തോടെ സുപ്രീം കോടതിയിലെത്തി ഇന്ത്യാ സഖ്യ നേതാക്കൾ ഹരജി നൽകും. രാഹുൽ ഗാന്ധിയുടെ നേതൃത്വത്തിൽ മല്ലികാർജുൻ ഖാർഗെ, കെ സി വേണുഗോപാൽ എം പി, സി പി ഐ എം ജനറൽ സെക്രട്ടറി എം എ ബേബി, സി പി ഐ ജനറൽ സെക്രട്ടറി ഡി രാജ, പ്രിയങ്കാ ഗാന്ധി, സമാജ് വാദി പാർട്ടി നേതാവ് അഖിലേഷ് യാദവ്, വിദ്യാർത്ഥി നേതാക്കളായ നേഹ ബോറ, ഐഷി ഘോഷ് തുടങ്ങിയവരാണ് മാർച്ചിന്റെ മുൻനിരയിലുള്ളത്.
35,000ത്തിലധികം പോലീസ് ഉദ്യോഗസ്ഥരെയാണ് മാർച്ച് കടന്നുപോകുന്ന ഇടങ്ങളിൽ വിന്യസിച്ചിട്ടുള്ളത്. പോലീസിന് കണക്കുകൂട്ടാൻ പോലും പറ്റാത്ത തരത്തിലുള്ള വലിയ ജനക്കൂട്ടമാണ് നേതാക്കൾക്കൊപ്പം അണിനിരക്കുന്നത്. മാർച്ചിനെ കായികമായി നേരിടുകയെന്നത് പോലീസിന് എളുപ്പ മാർഗമല്ല. വിവിധ സംസ്ഥാനങ്ങളിൽ നിന്ന് ആയിരക്കണക്കിന് പ്രവർത്തകരാണ് ഡൽഹിയിലേക്കെത്തിയിരിക്കുന്നത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group