ന്യൂദല്ഹി ലോക്സഭാ തെരഞ്ഞെടുപ്പ് വോട്ടെണ്ണലിനോട് അനുബന്ധിച്ച് ഓഹരി വിപണിയില് വലിയ തട്ടിപ്പ് നടന്നെന്ന് ചൂണ്ടിക്കാട്ടി ഇന്ത്യാ മുന്നണി സെബിക്ക് പരാതി നല്കി. ബിജെപി നേതാക്കളുടെ പങ്ക് അന്വേഷിക്കണമെന്നാണ് ഇന്ത്യാ മുന്നണി സെബിയോട് ആവശ്യപ്പെട്ടത്. തെരഞ്ഞെടുപ്പ് ഫലം തെറ്റായി പ്രചരിപ്പിക്കാന് നടത്തിയ ശ്രമങ്ങള് സാധാരണ നിക്ഷേപകര്ക്ക് നഷ്ടമുണ്ടാക്കിയെന്ന് ഇന്ത്യാ മുന്നണി പരാതിയില് ചൂണ്ടിക്കാട്ടി.
പ്രധാനമന്ത്രി നരേന്ദ്രമോദിയ്ക്കും കേന്ദ്ര ആഭ്യന്തരമന്ത്രി അമിത് ഷായ്ക്കും ഈ ഓഹരി വിപണി തട്ടിപ്പില് നേരിട്ട് പങ്കുണ്ടെന്നാണ് രാഹുല് ഗാന്ധിയുടെ ആരോപണം. വിഷയത്തില് ജോയിന്റ് പാര്ലമെന്ററി കമ്മിറ്റിയുടെ അന്വേഷണം വേണമെന്നും രാഹുല് ഗാന്ധി ആവശ്യപ്പെട്ടിരുന്നു.
തെരഞ്ഞെടുപ്പിനിടെ പ്രധാനമന്ത്രി നരേന്ദ്രമോദി, ആഭ്യന്തരമന്ത്രി അമിത് ഷാ, ധനമന്ത്രി നിര്മല സീതാരാമന് എന്നിവര് ഓഹരി വിപണിയെക്കുറിച്ച് സൂചിപ്പിച്ചിരുന്നെന്നും അവര് ഓഹരികള് വാങ്ങാന് നിക്ഷേപകരെ പ്രേരിപ്പിച്ചെന്നും കോണ്ഗ്രസ് ആരോപിക്കുന്നു.