കനത്ത മഴ; കൊച്ചി-മുംബൈ എയർ ഇന്ത്യ വിമാനം റൺവേയിൽ നിന്ന് തെന്നിമാറി

മുംബൈ– കനത്ത മഴയെ തുടർന്ന് കൊച്ചി-മുംബൈ എയർ ഇന്ത്യ വിമാനം റൺവേയിൽ നിന്ന് തെന്നിമാറിയതായി റിപ്പോർട്ട്. മുംബൈ വിമാനത്താവളത്തിൽ ലാൻഡിങ്ങിനിടെയാണ് സംഭവം നടന്നത്. കനത്ത മഴയെ തുടർന്നാണ് വിമാനം തെന്നിമാറിയതെന്നാണ് പ്രാത്ഥമിക വിവരം. വിമാനത്തിന്റെ വലതു വശത്തെ ചിറകിനും, എഞ്ചിന്റെ ഭാ​ഗത്തിനും കേടുപാടകൾ പറ്റിയിട്ടുണ്ട്. കൂടാതെ വിമാനത്തിന്റെ മൂന്ന് ചക്രങ്ങൾ പൊട്ടുകയും ചെയ്തു. യാത്രക്കാരെല്ലാവരും സുരക്ഷിതമായി പുറത്തിറങ്ങിയിട്ടുണ്ടെന്നും എയർ ഇന്ത്യ അധികൃതർ അറിയിച്ചു