ന്യൂഡൽഹി– ഇന്ത്യ അറബ് ചേംബർ ഓഫ് കൊമേഴ്സ് ഇൻഡസ്ട്രി ആൻഡ് അഗ്രികൾച്ചർ പ്രിൻസിപ്പൽ കോഡിനേറ്ററായി ഡോ : അമീൻ മുഹമ്മദ് സഖാഫി നിയമിതനായി. അറബ് അംബാസിഡേഴ്സ് കൗൺസിലിൻ്റെ നാമനിർദേശമനുസരിച്ചാണ് നിയമനം. 2018 ൽ ഒമാനിലും 2023 ൽ ന്യൂഡൽഹിയിലും നടന്ന അറബ് ഇന്ത്യൻ പാർട്ട്ണർഷിപ്പ് ഉച്ചകോടികളിലെ പ്രധാന പ്രമേയവും സംഭാവനയുമായി രൂപം കൊണ്ട ഇന്ത്യ – അറബ് ചേംബർ ഇന്ത്യൻ വിദേശകാര്യമന്ത്രാലയം, ഇന്ത്യൻ വാണിജ്യ വ്യവസായ മന്ത്രാലയം, ഇന്ത്യൻ കൃഷി മന്ത്രാലയം, അറബ് ലീഗ്, അറബ് ചേംബേഴ്സ് ഫെഡറേഷൻ, അറബ് അംബാസിഡേഴ്സ് കൗൺസിൽ എന്നിവയുടെ സംയുക്ത സഹകരണത്തോടെയാണ് പ്രവർത്തിക്കുന്നത്.
ഇന്ത്യയും അറബ് മേഖലകളും തമ്മിലുള്ള സാമ്പത്തിക വികസനം, വ്യാപാര വളർച്ച, വാണിജ്യ അവസരങ്ങൾ വികസിക്കിപ്പക്കൽ, കാർഷിക മേഖലയിൽ മുന്നേറ്റങ്ങൾ സൃഷ്ടിക്കൽ, സമഗ്രവും തന്ത്രപ്രധാനവുമായ സാമ്പത്തിക പങ്കാളിത്തം ഉറപ്പ് വരുത്തൽ എന്നിവയാണ് ചേംബറിൻ്റെ പ്രധാന ലക്ഷ്യങ്ങൾ