സി.ബി.എസ്.ഇ പ്ലസ് ടു ഫലം പ്രഖ്യാപിച്ചു, 88.39 ശതമാനം വിജയം

ന്യൂദൽഹി- 2025-ലെ സിബിഎസ്ഇ പ്ലസ് ടു പരീക്ഷാ ഫലം പ്രഖ്യാപിച്ചു. 88.39 ശതമാനമാണ് വിജയം. കഴിഞ്ഞ വർഷത്തേക്കാൾ നേരിയ വർധന രേഖപ്പെടുത്തി. വിജയവാഡ മേഖല 99.60 ശതമാനം വിജയശതമാനത്തോടെ മുന്നിലാണ്. പരീക്ഷ പാസാകാൻ, വിദ്യാർത്ഥികൾ തിയറിയിലും പ്രാക്ടിക്കൽ പേപ്പറുകളിലും കുറഞ്ഞത് 33 ശതമാനം മാർക്ക് നേടിയിരിക്കണം. ഒന്നോ രണ്ടോ മാർക്ക് കുറഞ്ഞവർക്ക് ഗ്രേസ് മാർക്ക് നൽകും.

പെൺകുട്ടികൾ ആൺകുട്ടികളേക്കാൾ 5 ശതമാനത്തിലധികം പോയിന്റുകൾ നേടി. 1.15 ലക്ഷത്തിലധികം വിദ്യാർത്ഥികൾ 90 ശതമാനത്തിൽ കൂടുതൽ മാർക്ക് നേടിയിട്ടുണ്ടെന്നും 24,000-ത്തിലധികം വിദ്യാർത്ഥികൾ 95 ശതമാനത്തിൽ കൂടുതൽ മാർക്ക് നേടിയിട്ടുണ്ടെന്നും പരീക്ഷാ കൺട്രോളർ സന്യാം ഭരദ്വാജ് പറഞ്ഞു.

results.cbse.nic.in എന്ന ഔദ്യോഗിക വെബ്സൈറ്റ് വഴി ഫലം പരിശോധിക്കാം.