നവംബർ ഒന്ന് മുതൽ ബാങ്ക് അക്കൗണ്ടുകളുടേയും ലോക്കറുകളുടേയും നാമനിർദ്ദേശ (Nominee) ചട്ടങ്ങളിൽ വലിയ മാറ്റങ്ങളാണ് വരുന്നത്. ഉപഭോക്താക്കൾക്ക് കൂടുതൽ വ്യക്തതയും സുരക്ഷയും നൽകുന്ന പുതിയ നിയമം നവംബർ 1 മുതൽ പ്രാബല്യത്തിൽ വരും.
ഇതുവരെ ഒരു ബാങ്ക് അക്കൗണ്ടിനോ ലോക്കറിനോ ഒരാൾ മാത്രമേ നോമിനിയായി നിശ്ചയിക്കാനായിരുന്നുള്ളൂ. എന്നാൽ ഇനി മുതൽ നാലു പേരെ വരെ നോമിനിയായി നിശ്ചയിക്കാം. ബാങ്കിംഗ് ലോസ് (Banking Laws Amendment Act 2025) പ്രകാരമുള്ള പുതിയ വ്യവസ്ഥയിലാണ് ഈ മാറ്റം. ഇതോടെ നിക്ഷേപകർക്ക് അവരുടെ അക്കൗണ്ടുകൾക്കും ലോക്കറുകൾക്കും ഒരേ സമയം നിരവധി നോമിനികളെ ഉൾപ്പെടുത്താനും, അവരുടെ അവകാശ ശതമാനം വ്യക്തമാക്കാനും കഴിയും. ഉദാഹരണത്തിന് — നാല് പേരെ നോമിനിയായി നിശ്ചയിച്ചാൽ, ഓരോരുത്തർക്കും നിശ്ചിത ശതമാനം വീതം ബാങ്ക് രേഖപ്പെടുത്തും. ഇതുവഴി പിന്നീട് അവകാശ സംബന്ധമായ തർക്കങ്ങൾ ഒഴിവാക്കാൻ സാധിക്കും.
അക്കൗണ്ടുകൾക്കായി രണ്ട് തരത്തിലുള്ള നാമനിർദ്ദേശ മാർഗങ്ങൾ അനുവദിച്ചിട്ടുണ്ട് —
സമകാലിക നാമനിർദ്ദേശമാണ് ഒന്ന് (Simultaneous Nomination), അതായത് ഒരേസമയം നാലുപേരെ വരെ നിശ്ചയിക്കൽ. മറ്റൊന്ന് ആഗോള നാമനിർദ്ദേശം (Successive Nomination), അതായത് ഒരു നോമിനി മരിച്ചാൽ അടുത്തവൻ അവകാശിയായി വരിക. ലോക്കറുകൾക്കും സുരക്ഷിത വസ്തു ശേഖരണത്തിനും മാത്രമേ ആഗോള നാമനിർദ്ദേശം ബാധകമായിരിക്കൂ. അതായത് മുൻനോമിനി മരിച്ചാൽ മാത്രമേ അടുത്ത നോമിനിക്ക് അവകാശം ലഭിക്കൂ.
ബാങ്കുകൾ ഇതിനകം തന്നെ ഉപഭോക്താക്കളോട് അവരുടെ നോമിനി വിവരങ്ങൾ പുതുക്കാൻ ആവശ്യപ്പെട്ടിട്ടുണ്ട്. പഴയ അക്കൗണ്ടുകളിലെ നാമനിർദ്ദേശം കാലഹരണപ്പെട്ടിരിക്കാമെന്നതിനാൽ, നവംബർ ഒന്നിനു മുമ്പ് തന്നെ പുതിയ നാമനിർദ്ദേശ ഫോം സമർപ്പിക്കാൻ ബാങ്കുകൾ ഉപഭോക്താക്കളെ ആവശ്യപ്പെടുന്നുണ്ട്. പുതിയ നിയമം പ്രാബല്യത്തിൽ വന്നാൽ, ബാങ്ക് അക്കൗണ്ടുടമ മരിച്ചാൽ അവകാശികൾക്ക് പണം അല്ലെങ്കിൽ ലോക്കർ അവകാശങ്ങൾ വേഗത്തിൽ ലഭ്യമാക്കാനുള്ള നടപടിക്രമം വളരെ എളുപ്പമാകും.
അതുകൊണ്ട് തന്നെ, നിങ്ങളുടെ ബാങ്ക് അക്കൗണ്ടിലോ ലോക്കറിലോ നോമിനി വിവരങ്ങൾ പുതുക്കി നൽകിയിട്ടുണ്ടോ എന്ന് പരിശോധിക്കൂ. പുതിയ നിയമമനുസരിച്ച് നാമനിർദ്ദേശം നല്കുന്നത് നിങ്ങളുടെ കുടുംബത്തിന്റെ സുരക്ഷയ്ക്കും അവകാശങ്ങളുടെ വ്യക്തതയ്ക്കും അത്യന്തം പ്രധാനമാണ്.