ബൈക്കിൽ സഞ്ചരിക്കുകയായിരുന്ന യുവതിക്ക് നേരെ തെരുവുപശുവിന്റെ ആക്രമണം, ഗുരുതര പരിക്ക്

മോദസ(ഗുജറാത്ത്)- തെരുവിൽ അലഞ്ഞുനടക്കുന്ന പശുവിന്റെ ആക്രമണത്തിൽ യുവതിക്ക് ഗുരുതര പരിക്ക്. ഗുജറാത്തിലെ മോദസയിലാണ് സംഭവം. ബൈക്കിൽ യുവാവിന് പിറകിലിരുന്ന് സഞ്ചരിക്കുകയായിരുന്ന യുവതിക്ക് നേരെ പശു പാഞ്ഞടുക്കുകയായിരുന്നു. ബൈക്ക് അപകടത്തിൽ പെടാതിരിക്കാൻ യുവാവ് ബൈക്ക് നിർത്തുകയായിരുന്നു.

ബൈക്കിൽനിന്ന് ഇറങ്ങിയോടിയ യുവതിയെ പിന്തുടർന്ന പശു നിരവധി തവണ അവരെ കുത്തുകയും ചവിട്ടുകയും ചെയ്തു. ആൾക്കൂട്ടം എത്തിയാണ് യുവതിയെ രക്ഷിച്ചത്. ഗുരുതരമായി പരിക്കേറ്റ യുവതിയെ വൈദ്യചികിത്സയ്ക്കായി ഉടൻ തന്നെ ആശുപത്രിയിലേക്ക് മാറ്റി.