അമൃത്സര്‍– പഞ്ചാബിലെ അമൃത്സറില്‍ ബോംബ് പൊട്ടിത്തെറിച്ച് ഒരാള്‍ കൊല്ലപ്പെട്ടു. അഞ്ച് പേര്‍ക്ക് പരുക്ക്. ഖലിസ്ഥാന്‍ ഭീകരവാദി എന്ന് സംശയിക്കുന്ന ആളാണ് കൊല്ലപ്പെട്ടത്. ഇന്നലെ രാത്രി 9.30നാണ് സംഭവം. സ്ഫോടനത്തിൽ ഗുരുതരമായി പരുക്കേറ്റ ഇയാളെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. സ്‌ഫോടന വസ്തുക്കള്‍ കൈകാര്യം ചെയ്യുന്നതിനിടയില്‍ അശ്രദ്ധ കാരണമാകാം അപകടം ഉണ്ടായതെന്നാണ് പ്രാഥമിക നിഗമനം. സംഭവത്തില്‍ അന്യേഷണം പുരോഗമിക്കുന്നു.
കൊല്ലപ്പെട്ട വ്യക്തി നിരോധിത ഭീകരസംഘടനയായ ബബര്‍ ഖല്‍സയില്‍ അംഗമാണെന്ന് അന്യേഷണത്തില്‍ വ്യക്തമായി. വലിയ ശബ്ദത്തോടെയാണ് സ്‌ഫോടനം ഉണ്ടായതെന്ന് പ്രദേശവാസികള്‍ പറഞ്ഞു. സംഭവത്തെ തുടര്‍ന്ന് അമൃത്സര്‍ അതീവ ജാഗ്രതയിലാണ്. സ്‌ഫോടനം നടന്ന പ്രദേശം പൂര്‍ണമായി അടച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group