ന്യൂഡല്‍ഹി– ഇറാന്‍-ഇസ്രായില്‍ സംഘര്‍ഷം രൂക്ഷമായതിനു പിന്നാലെ നിരവധി വിമാനങ്ങള്‍ യാത്ര പൂര്‍ത്തിയാക്കാതെ തിരികെ വരുന്നു. മുംബൈയില്‍ നിന്നും ലണ്ടന്‍, ന്യൂയോര്‍ക്ക് എന്നിവിടങ്ങളിലേക്ക് എയര്‍ ഇന്ത്യയുടെ വിമാനങ്ങള്‍ വഴിതിരിച്ച് വിടുകയും തിരിച്ച് വിളിക്കുകയും ചെയ്തു. ഇറാനും ഇസ്രായിലും വ്യോമപാത അടച്ചതോടെയാണ് വ്യോമഗതാഗതം താളം തെറ്റിയത്. മേഖലയിലൂടെ കടന്നു പോകേണ്ട വിമാനങ്ങളുടെ വിവരങ്ങള്‍ എയര്‍ ഇന്ത്യ പുറത്തുവിട്ടു.
എ.ഐ 130 – ലണ്ടന്‍ ഹീത്രൂ -മുംബൈ -വിയന്നയിലേക്ക് വഴിതിരിച്ചുവിട്ടു
എ.ഐ 102 – ന്യൂയോര്‍ക്ക് -ഡല്‍ഹി -ഷാര്‍ജയിലേക്ക് വഴിതിരിച്ചുവിട്ടു
എ.ഐ 116 – ന്യൂയോര്‍ക്ക് -മുംബൈ -ജിദ്ദയിലേക്ക് തിരിച്ചുവിട്ടു
എ.ഐ 2018 ലണ്ടന്‍-ഡല്‍ഹി – മുംബൈയിലേക്ക് തിരിച്ചുവിട്ടു
എ.ഐ 129 മുംബൈ- ലണ്ടന്‍- തിരികെ മുംബൈയിലേക്ക്
എ.ഐ 119- മുംബൈ- ന്യൂയോര്‍ക്ക്- മുംബൈയിലേക്ക് തിരികെ
എ.ഐ 103- ഡല്‍ഹി- വാഷിങ്ടണ്‍- ഡല്‍ഹിക്ക് തിരികെ
എ.ഐ 106- ഡല്‍ഹി- നെവാര്‍ക് – തിരികെ ഡല്‍ഹിയിലേക്ക്
എ.ഐ 188- വാന്‍കുവര്‍- ഡല്‍ഹി- ജിദ്ദയിലേക്ക് തിരിച്ചുവിട്ടു
എ.ഐ 101- ഡല്‍ഹി- ന്യൂയോര്‍ക്ക്- ഫ്രാങ്ക്ഫര്‍ട്ട്/മിലാനിലേക്ക് തിരിച്ചുവിട്ടു
എ.ഐ 126- ചിക്കാഗോ- ഡല്‍ഹി- ജിദ്ദയിലേക്ക് തിരിച്ചുവിട്ടു
എ.ഐ 132- ലണ്ടന്‍- ബെംഗളൂരു- ഷാര്‍ജയിലേക്ക് തിരിച്ചുവിട്ടു
എ.ഐ 2016- ലണ്ടന്‍ -ഡല്‍ഹി- വിയന്നയിലേക്ക് തിരിച്ചുവിട്ടു
എ.ഐ 104- വാഷിങ്ടണ്‍- ഡല്‍ഹി- വിയന്നയിലേക്ക് തിരിച്ചുവിട്ടു
എ.ഐ 190- ടൊറന്റോ- ഡല്‍ഹി- ഫ്രാങ്ക്ഫര്‍ട്ടിലേക്ക് തിരിച്ചുവിട്ടു
എ.ഐ 189- ഡല്‍ഹി- ടൊറന്റോ- ഡല്‍ഹിക്ക് മടങ്ങുന്നു
ഇറാനെ ഇസ്രായില്‍ ആക്രമിച്ചതില്‍ പശ്ചിമേഷ്യ കനത്ത യുദ്ധഭീതിയിലാണ്. ഇറാന്റെ ആണവ കേന്ദ്രങ്ങള്‍ ലക്ഷ്യമിട്ടാണ് ഇസ്രായില്‍ ആക്രമണം നടത്തിയത്. യാത്രക്കാര്‍ ബുദ്ധിമുട്ട് നേരിട്ടതില്‍ ഖേദിക്കുന്നുവെന്ന് എയര്‍ ഇന്ത്യ അറിയിച്ചു. ടിക്കറ്റ് റീഫണ്ടിങ്ങിനോ റീഷെഡ്യൂളിങ്ങിനോ സൗകര്യം നല്‍കുമെന്നും താമസസൗകര്യം ഒരുക്കുമെന്നും എയര്‍ ഇന്ത്യ വ്യക്തമാക്കി