ഷാർജ ഇന്ത്യൻ അസോസിയേഷൻ വനിതാവേദി ഉദ്ഘാടനം ചെയ്തു

ഷാർജ: ഇന്ത്യൻ അസോസിയേഷൻ വനിതാവേദിയുടെ പ്രവർത്തനോദ്ഘാടനം നടത്തി.
അസോസിയേഷൻ കോൺഫറൻസ് ഹാളിൽ നടന്ന ചടങ്ങിൽ എഴുത്തുകാരി ജിൽന ജന്നത്ത് കെ.വി. ഉദ്ഘാടനം ചെയ്തു.

‘അതിജീവനത്തിന്റെ പെൺവഴികൾ’. എന്നവിഷയത്തിൽ അവർ പ്രഭാഷണം നടത്തി. ഇന്ത്യൻ അസോസിയേഷൻ ആക്ടിങ് പ്രസിഡന്റ് ടി.കെ. പ്രദീപ് നെന്മാറ അധ്യക്ഷതവഹിച്ചു.

കോഴിക്കോട് ജില്ലാപഞ്ചായത്ത് മുൻ അംഗം ആമിന, അസോസിയേഷൻ ഭാരവാഹികളായ ഷാജിജോൺ,
ജിബി ബേബി എന്നിവർ ആശംസകൾ നേർന്നു. പി. ശ്രീപ്രകാശ് സ്വാഗതവും മുഹമ്മദ് അബൂബക്കർ നന്ദിയും പറഞ്ഞു. ലതാവാര്യർ ആമുഖപ്രഭാഷണം നടത്തി. വിദ്യാർഥികളുടെ കലാപരിപാടികളും അരങ്ങേറി.