പ്രവാസം അവസാനിപ്പിച്ച് നാട്ടിലേക്ക് മടങ്ങുന്നവർക്ക് യാത്രയയപ്പ് നൽകി

അബുദാബി: 42 വർഷത്തെ പ്രവാസ ജീവിതം അവസാനിപ്പിച്ചു നാട്ടിലേക്ക് മടങ്ങുന്ന അബുദാബി കെഎംസിസി പെരിന്തൽമണ്ണ മണ്ഡലം നേതാവ് പൂവത്താണി കളത്തിൽ അബ്ദുൽ ഖാദർ സാഹിബിനും
36 വർഷത്തെ പ്രവാസ ജീവിതത്തോട് വിടപറയുന്ന താഴെക്കോട് എക്സ്പാട്രിയേറ്റ് കൾച്ചറൽ സെന്റർ പ്രസിഡന്റ് ചേലക്കാടൻ അബൂബക്കർ സിദ്ധീഖിനും കെ .എം.സി.സി പെരിന്തൽമണ്ണ മണ്ഡലം കമ്മിറ്റി യാത്രയയപ്പ് നൽകി.

അബുദാബി ഇന്ത്യൻ ഇസ്ലാമിക്‌ സെന്ററിൽ വെച്ച് നടന്ന ചടങ്ങ് ഇന്ത്യൻ ഇസ്ലാമിക്‌ സെന്റർ ജനറൽ സെക്രട്ടറി ഹിദായത്തുള്ള പറപ്പൂർ ഉദ്ഘാടനം ചെയ്തു. ബഷീർ നെല്ലിപറമ്പ് അധ്യക്ഷത വഹിച്ചു. കെഎംസിസി ജില്ലാ – മണ്ഡലം ഭാരവാഹികളായ ഫൈസൽ പെരിന്തൽമണ്ണ, റഫീഖ് പൂവത്താണി, ഷഫീക് കട്ടുപാറ, ഫാഹിസ് വളപുരം, ഷൌക്കത്ത് ചോലമുഖത്ത്, അഭിലാഷ് അമ്മിനിക്കാട്, ഗഫൂർ മുതിരമണ്ണ, ലത്തീഫ് പീരാലി, സൈനുദ്ധീൻ കൊമ്പക്കൽ കുന്ന് എന്നിവർ സംസാരിച്ചു.