അബുദാബി – ഖലീഫ ഇക്കണോമിക് സോണിന് നേരെയുണ്ടായ ഇറാന് മിസൈല്, ഡ്രോണ് ആക്രമണങ്ങളുടെ ഫലമായി തങ്ങളുടെ അല്തവീല കോംപ്ലക്സിന് നാശനഷ്ടങ്ങൾ സംഭവിച്ചതായി എമിറേറ്റ്സ് ഗ്ലോബല് അലൂമിനിയം കമ്പനി വെളിപ്പെടുത്തി. അലൂമിനിയം സ്മെല്റ്റര്, ഫൗണ്ടറി, പവര് പ്ലാന്റ്, അല്തവീല അലൂമിന റിഫൈനറി, അല്തവീല റീസൈക്ലിംഗ് പ്ലാന്റ് എന്നിവ ഉള്പ്പെടുന്ന മുഴുവന് അല്തവീല കോംപ്ലക്സും ഒഴിപ്പിക്കുകയും അടിയന്തിര അടച്ചുപൂട്ടല് സജീവമാക്കുകയും ചെയ്തതായി കമ്പനി വിശദീകരിച്ചു. സ്മെല്റ്റര് പ്രവര്ത്തിപ്പിക്കുന്നത് പുനരാരംഭിക്കാന്, കേടായ അടിസ്ഥാന സൗകര്യങ്ങള് നന്നാക്കുകയും ഓരോ റിഡക്ഷന് സെല്ലും ക്രമേണ പുനരാരംഭിക്കുകയും ചെയ്യേണ്ടത് ആവശ്യമാണ്. പൂര്ണ്ണമായ തോതില് പ്രാഥമിക അലൂമിനിയം ഉല്പാദനം പുനരാരംഭിക്കാന് 12 മാസം വരെ എടുത്തേക്കുമെന്ന് പ്രതീക്ഷിക്കുന്നു. അന്തിമ നാശനഷ്ട വിലയിരുത്തലിനെ ആശ്രയിച്ച്, അല്തവീല അലൂമിന റിഫൈനറിയിലും അല്തവീല റീസൈക്ലിംഗ് പ്ലാന്റിലും ഭാഗിക ഉല്പാദനം കൂടുതല് നേരത്തെ പുനരാരംഭിക്കുമെന്ന് പ്രതീക്ഷിക്കുന്നതായും കമ്പനി പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group