ഫുജൈറയിൽ വീടിന് തീപിടിച്ച് രണ്ട് എമറാത്തികുട്ടികൾക്ക് ദാരുണാന്ത്യം

ഫുജൈറ: ഫുജൈറയിൽ വീടിന് തീ പിടിച്ച് രണ്ട് കുട്ടികൾ മരിച്ചു. എട്ടു വയസ്സുള്ള പെൺകുട്ടിയും ഏഴു വയസ്സുള്ള ആൺകുട്ടിയുമാണ് മരിച്ചത്. അഞ്ചുവയസ്സുള്ള കുട്ടിക്ക് ​ഗുരുതരമായി പൊള്ളലേറ്റു.
ഫുജൈറയിലെ അൽ തുവിയാൻ മേഖലയിൽ സ്വദേശികളുടെ വീടിനാണ് തീ പിടിച്ചത്. പുലർച്ചെ രണ്ടു മണിയോടെയായിരുന്നു അപകടം. അഗ്നിബാധയുടെ കാരണത്തെ കുറിച്ച് അന്വേഷണം ആരംഭിച്ചതായി ഫുജൈറ സിവിൽ ഡിഫൻസ് മേധാവി ബ്രി​ഗേഡിയർ അലി ഉബൈദ് അൽ തുനൈജി പറഞ്ഞു.പരിക്കേറ്റവരെ ദിബ്ബ ആശുപത്രിയിലേക്ക് മാറ്റിയിരിക്കുകയാണ്.