യുഎഇ ബിഗ് ടിക്കറ്റ്; പ്രവാസിക്ക് സമ്മാനമായി നിസ്സാൻ പട്രോൾ കാർ

അബൂദാബി– യുഎഇ ബിഗ് ടിക്കറ്റ് സീരീസ് 280 ലൈവ് നറുക്കെടുപ്പിൽ വിജയിയായി പ്രവാസി. അൽ ഐനിൽ താമസിക്കുന്ന സലൂണിലെ ജീവനക്കാരനാണ് നിസ്സാൻ പട്രോൾ സമ്മാനമായി ലഭിച്ചത്. 22 വർഷമായി യുഎഇയിൽ താമസിക്കുന്ന ബംഗ്ലാദേശ് സ്വദേശി സുമൻ ചന്ദ്രോ ശ്രീകേതോകി ചന്ദ്രോ(43)യെയാണ് ഭാഗ്യം തേടിയെത്തിയത്. കഴിഞ്ഞ 8 വർഷമായി ഇദ്ദേഹം ബിഗ് ടിക്കറ്റ് എടുക്കുന്നുണ്ട്. സാധാരണ സുഹൃത്തുക്കളോടൊപ്പം ടിക്കറ്റെടുക്കാറുള്ള ഇദ്ദേഹം ഇത്തവണ ഒറ്റക്കാണ് ടിക്കറ്റെടുത്തത്. സുമൻ ഇപ്പോഴും സമ്മാനം ലഭിച്ചതിന്റെ ഞെട്ടലിലാണ്. ആഡംബര കാർ സൂക്ഷിക്കണോ അല്ലെങ്കിൽ അതിന് തുല്യമായ പണം വാങ്ങണോ എന്ന കാര്യം ഇതുവരെ തീരുമാനിച്ചിട്ടില്ല.