യാമ്പു എസ്.ഐ.സി ടൗൺ കമ്മറ്റി ഫാമിലി മീറ്റും പ്രാർത്ഥന സംഗമവും നടത്തി

യാമ്പു- യാമ്പു എസ് ഐ സി ടൗൺ കമ്മറ്റി ഫാമിലി സംഗമവും വയനാട് പ്രളയത്തിൽ ജീവൻ നഷ്ടപ്പെട്ടുപോയവർക്കായി പ്രാർത്ഥനാ സംഗമവും നടത്തി. സമസ്ത കേരള സുന്നി ബാലവേദി ജനറൽ സെക്രട്ടറി മുഹമ്മദ് റസൽ ഖിറാഅത്ത് നടത്തി. യാമ്പു നൂറുൽ ഹുദ മദ്റസയിലെ വിദ്യാർത്ഥികളുടെ ഫ്ലവർ ഷോ യും വിവിധ പരിപാടികളും നടന്നു.

നൂറുൽ ഹുദ മദ്രസ അദ്ധ്യാപകൻ ഇബ്രാഹിം അശ്അരി മത്സരങ്ങൾക്ക് നേതൃത്വം നൽകി. മത്സരത്തിൽ വിജയികളായവർക്കുള്ള സമ്മാനദാനം വിതരണം ചെയ്തു. ടൗൺ കമ്മിറ്റി സെക്രട്ടറി ഷെഫീഖ് കാളികാവിന്റെ അധ്യക്ഷതയിൽ എസ്.ഐ.സി സെൻട്രൽ കമ്മിറ്റി പ്രസിഡണ്ട് കരീം താമരശ്ശേരി ഉദ്ഘാടനം ചെയ്തു. ഫാമിലി ക്ലാസിന് പ്രസിഡന്റ്‌ നൂറ് ദാരിമി നേതൃത്വം നൽകി. സൽമാൻ അൻവരി സ്വാഗതവും ടൗൺ കമ്മിറ്റി ട്രഷറർ സഹൽ പെരിന്തൽമണ്ണ നന്ദിയും പറഞ്ഞു.