ജിദ്ദ- നിലാവുള്ള രാത്രിയിൽ കിനാവിന്റെ പൂന്തോപ്പിൽ കുളിർ തെന്നലായി..വൈറലായി ജിദ്ദ പ്രവാസി ഷബീർ അലി മേലേത്തലക്കൽ ആലപിച്ച ഗാനം. സൗദി അറേബ്യയിലെ ലുലുവിന്റെ ഇന്റേണൽ ഓഡിറ്ററും ചാർട്ടേഡ് അക്കൗണ്ടന്റുമായ ഷബീർ അലി ആലപിച്ച കിനാമഞ്ഞ് എന്ന ഗാനം ഇതോടകം പ്രേക്ഷക ശ്രദ്ധ പിടിച്ചുപറ്റി.
വീഡിയോ കാണാൻ ഇവിടെ ക്ലിക്ക് ചെയ്യുക..
റഷീദ് പറമ്പിൽ സംവിധാനം ചെയ്ത പാട്ടിലെ വരികൾ പ്രണയവും വിരഹവും ഗൃഹാതുരത്വവും ചേർന്നൊഴുന്നതാണ്. ബക്കർ മാറഞ്ചേരിയാണ് സംഗീത സംവിധാനം നിർവഹിച്ചിരിക്കുന്നത്. ഷാനവാസ് ചക്കുപുരക്കലാണ് വരികൾ. റഷീദ് അഹമ്മദാണ് ക്യാമറ. സച്ചിൻ സത്യ(എഡിറ്റിംഗ്), മഹേഷ് ബാലാജി(ചമയം), ടിറ്റോ ഫ്രാൻസിസ്(ഡി.ഐ), ദാസു ദിപിൻ, അഫ്സൽ കെ അസീസ്(അസോസിയേറ്റ് ഡയറക്ടേഴ്സ്), മിഥിലാജ് മുഹമ്മദ്, അരുൺ ഓപൺഡോർ(അസോസിയേറ്റ് ഡി.ഒ.പി), സുഹൈൽ കൊപ്പം(മിക്സിംഗ്), ആഷിഖ് മുഹമ്മദ് (ആർട്ട്), അസ്ലം തിരൂർ(ഓർക്കസ്ട്രേഷൻ), അക്ബർ മലപ്പുറം(തബല), ഷാജഹാൻ താനൂർ(ഫ്ലൂട്ട്), നാസർ തിരൂർ(റിഥം) ജോയ് ഓഡിയോ ലാബ്(സ്റ്റുഡിയോ) എന്നിവരാണ് അണിയറ പ്രവർത്തകർ. രാജീവ് പിള്ളത്ത്, റിൻഷാദ്, ഹരിത ഹരിദാസൻ എന്നിവരാണ് ആൽബത്തിൽ അഭിനയിച്ചത്.