ദമാം – അല്‍കോബാറില്‍ യുവാവ് കാറിടിച്ച് മരിച്ച കേസില്‍ രണ്ടു പേരെ പോലീസ് അറസ്റ്റ് ചെയ്തു. രണ്ടു പേര്‍ ചേര്‍ന്ന് പിന്തുടര്‍ന്ന് പിടികൂടി കൈകാര്യം ചെയ്യാന്‍ ശ്രമിക്കുന്നതിനിടെ ഇവരില്‍ നിന്ന് ഓടിരക്ഷപ്പെടാന്‍ റോഡ് മുറിച്ചുകടക്കുന്നതിനിടെയാണ് യുവാവിനെ കാറിടിച്ചത്. ഇതിന്റെ ദൃശ്യങ്ങള്‍ സമീപത്ത് സ്ഥാപിച്ച സി.സി.ടി.വി ചിത്രീകരിച്ചിരുന്നു. ഈ വീഡിയോ സാമൂഹികമാധ്യമങ്ങളില്‍ പ്രചരിച്ചിരുന്നു.
സംഭവത്തില്‍ യുവാവിനെ പിന്തുടര്‍ന്ന രണ്ടു പേരെയും അല്‍കോബാര്‍ പോലീസ് അറസ്റ്റ് ചെയ്തു. ചോദ്യം ചെയ്യല്‍ അടക്കമുള്ള നിയമാനുസൃത നടപടികള്‍ പൂര്‍ത്തിയാക്കി ഇരുവരെയും പബ്ലിക് പ്രോസിക്യൂഷന് കൈമാറിയതായി കിഴക്കന്‍ പ്രവിശ്യ പോലീസ് അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group