കണ്ണീരണിഞ്ഞ് വയനാട്, പാട്ടിലൂടെ ദുരന്തം വിവരിച്ച് പ്രവാസി സുഹൃത്തുക്കൾ

ദമ്മാം: വയനാട് ഉരുൾ പൊട്ടിയ ദുരന്തത്തിൻ്റെ നേർക്കാഴ്ചകൾ പാട്ടിലൂടെ വിവരിച്ച് പ്രവാസി സുഹൃത്തുക്കൾ. ദമ്മാമിൽ ജോലി ചെയ്യുന്ന തൽഹത്ത് ടി.എസ് എഴുതിയ വരികൾക്ക് ഖത്തർ പ്രവാസി അനസ് സി.കെ യുടെ ആലാപനവും ജിദ്ദയിലെ സുഹൃത്ത് സെലി കെ.വി ആർ എഡിറ്റിങ്ങും നിർവ്വഹിച്ച ഈ ഗാനം പ്രേക്ഷകരുടെ മനസ്സിലേക്ക് മറക്കാൻ കഴിയാത്ത നോവുന്ന ഓർമ്മകളാണ് കാഴ്ച വെക്കുന്നത്.

മലയാളികൾ കണ്ട വൻദുരന്തം ഇനി വരുന്ന തലമുറക്ക് ഹ്രസ്വമായി ചിത്രീകരിച്ച് കാണിച്ച് കൊടുക്കണമെന്ന ലക്ഷ്യത്തോടെയാണ് സോഷ്യൽ മീഡിയ,ടിക് ടോകിലൂടെ പരിചിതരായ സുഹൃത്തുക്കളുടെ ലക്ഷ്യം.