നജ്‌റാന്‍ – നജ്‌റാന്‍ നഗരത്തിലും ഹബൂനയിലും പ്രവര്‍ത്തിക്കുന്ന, പൂക്കളും പ്രസന്റേഷന്‍ സെറ്റുകളും വില്‍പന നടത്തുന്ന സ്ഥാപനങ്ങളില്‍ സൗദിവല്‍ക്കരണ കമ്മിറ്റി പരിശോധനകള്‍ നടത്തി. കഴിഞ്ഞ ദിവസങ്ങളില്‍ 49 സ്ഥാപനങ്ങളിലാണ് കമ്മിറ്റി പരിശോധനകള്‍ നടത്തിയത്.
ഈ സ്ഥാപനങ്ങളില്‍ ജോലി ചെയ്യുന്ന സ്വദേശി, വിദേശ ജീവനക്കാരുടെ കണക്കുകളും പേരുവിവരങ്ങളും കമ്മിറ്റി ശേഖരിച്ചു. സ്ഥാപനങ്ങളില്‍ 45 സ്വദേശികളും വ്യത്യസ്ത രാജ്യക്കാരായ 51 വിദേശികളും ജോലി ചെയ്യുന്നതായി വ്യക്തമായി. സ്വദേശി ജീവനക്കാരില്‍ 11 പേര്‍ വനിതകളാണ്. സ്വദേശികള്‍ക്ക് ലഭ്യമായ ഒമ്പതു തൊഴിലവസരങ്ങള്‍ പരിശോധനകള്‍ക്കിടെ നിര്‍ണയിച്ചു. ഇവയില്‍ സ്വദേശികളെ നിയമിക്കാന്‍ നടപടികള്‍ സ്വീകരിച്ചുവരികയാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group