റിയാദ്– അപ്ഡേഷൻ നടക്കുന്നതിനാൽ സർക്കാർ സേവനങ്ങൾ വെള്ളിയാഴ്ച തടസ്സപ്പെടുമെന്ന് സൗദി ആഭ്യന്തരമന്ത്രാലയത്തിന്റെ സേവനങ്ങളുടെ പ്ലാറ്റ്ഫോമായ അബ്ശിർ അറിയിച്ചു. വെളളിയാഴ്ച പുലർച്ചെ 12 മുതൽ ഉച്ചക്ക് 12 വരെയാണ് അപ്ഡേഷൻ നടക്കുന്നത്. ഉപയോക്താക്കൾക്ക് മികച്ച സേവനം ഉറപ്പാക്കുന്നതിന്റെ ഭാഗമാണ് അപ്ഡേഷൻ പ്രഖ്യാപിച്ചിരിക്കുന്നത്.
ഫാമിലി വിസ പുതുക്കൽ, റീ എൻട്രി, ഫൈനൽ എക്സിറ്റ് അടിക്കൽ, ഇഖാമ പുതുക്കൽ, പ്രൊഫഷൻ മാറ്റം, സ്പോൺസർഷിപ്പ് മാറ്റം തുടങ്ങിയ സേവനങ്ങൾ നിശ്ചിത സമയം ലഭ്യമാകില്ല. ഇതോടനുബന്ധിച്ച് നഫാദ് പ്ലാറ്റ്ഫോമിലും അപ്ഡേഷൻ നടക്കുമെന്നും ഈ സമയത്ത് ഇതുമായി ബന്ധപ്പെട്ട സേവനങ്ങൾ ലഭിക്കില്ലെന്നും നഫാദ് അധികൃതരും അറിയിച്ചിട്ടുണ്ട്. സേവനങ്ങൾ ആവശ്യമുള്ളവർ വ്യാഴാഴ്ച തന്നെ പൂർത്തിയാക്കണം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group