ജിദ്ദ – ഫെബ്രുവരി മാസത്തില്‍ സൗദി ബാങ്കുകളുടെ ലാഭം 21 ശതമാനം തോതില്‍ ഉയര്‍ന്ന് 825 കോടി റിയാലായതായി സൗദി സെന്‍ട്രല്‍ ബാങ്ക് അറിയിച്ചു. സൗദി ഓഹരി വിപണിയില്‍ ലിസ്റ്റ് ചെയ്ത സൗദി ബാങ്കുകളും രാജ്യത്ത് പ്രവര്‍ത്തിക്കുന്ന വിദേശ ബാങ്ക് ശാഖകളും ആകെ കൈവരിച്ച ലാഭമാണിത്. 2024 ഫെബ്രുവരിയില്‍ ബാങ്കുകളുടെ ലാഭം 680 കോടി റിയാലായിരുന്നു.
കഴിഞ്ഞ ജനുവരിയില്‍ ബാങ്കുകള്‍ 814 കോടി റിയാലാണ് ലാഭം നേടിയത്. 2024 ജനുവരിയില്‍ 702 കോടി റിയാലും മാര്‍ച്ചില്‍ 693 കോടി റിയാലും ഏപ്രിലില്‍ 670 കോടി റിയാലും മേയില്‍ 733 കോടി റിയാലും ജൂണില്‍ 774 കോടി റിയാലും ജൂലൈയില്‍ 771 കോടി റിയാലും ഓഗസ്റ്റില്‍ 755 കോടി റിയാലും സെപ്റ്റംബറില്‍ 782 കോടി റിയാലും ഒക്‌ടോബറില്‍ 770 കോടി റിയാലും നവംബറില്‍ 700 കോടി റിയാലും ഡിസംബറില്‍ 882 കോടി റിയാലും ബാങ്കുകള്‍ ലാഭം രേഖപ്പെടുത്തിയിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group