ബുറൈദ – സൗദിയിലെ ആദ്യ ഡ്രോണ്‍ (ആളില്ലാ വിമാനം) ഫാക്ടറി അല്‍ഖസീം ഗവര്‍ണര്‍ ഡോ. ഫൈസല്‍ ബിന്‍ മിശ്അല്‍ രാജകുമാരന്‍ ഉദ്ഘാടനം ചെയ്തു. സൈനിക, പ്രതിരോധ, സുരക്ഷാ വ്യവസായ മേഖലയില്‍ പ്രവര്‍ത്തിക്കുന്ന ഖുദ്‌റ അല്‍ഖാബിദ ഗ്രൂപ്പിനു കീഴിലെ യുനൈറ്റഡ് ഡിഫന്‍സ് കമ്പനി ഫാക്ടറി ബുറൈദ സെക്കന്റ് ഇന്‍ഡസ്ട്രിയല്‍ സിറ്റിയിലാണ് പ്രവര്‍ത്തിക്കുന്നത്. ഫാക്ടറിയില്‍ നിര്‍മിച്ച ആദ്യ ഡ്രോണും ഗവര്‍ണര്‍ ഉദ്ഘാടനം ചെയ്തു. ആദ്യ സൗദി നിര്‍മിത ഡ്രോണിന് അല്‍ആരിദ് എന്ന് ഗവര്‍ണര്‍ നാമകരണം ചെയ്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group