റിയാദ് – പാര്‍ലിമെന്റ് തെരഞ്ഞെടുപ്പില്‍ ഐക്യ ജനാധിപത്യ മുന്നണിക്ക് മികച്ച വിജയം സമ്മാനിച്ച കേരളത്തിലെ വോട്ടര്‍മാര്‍ക്ക് നന്ദി അറിയിച്ച് റിയാദില്‍ മലപ്പുറം ജില്ല കെഎംസിസി വിജയാരവം സംഘടിപ്പിച്ചു. ബഗ്‌ളഫിലെ ഖാബൂസ് സ്റ്റേഡിയത്തിലാണ് പരിപാടികള്‍ നടന്നത്. കേക്ക് മുറിച്ചും മധുര വിതരണം നടത്തിയും മുദ്രാവാക്യം വിളിച്ചും പ്രവര്‍ത്തകര്‍ യു.ഡി.എഫിന്റെ വിജയം ആഘോഷിച്ചു.പരിപാടിയില്‍ റിയാദ് മലപ്പുറം ജില്ല കെഎംസിസി പ്രസിഡന്റ് ഷൗക്കത്ത് കടമ്പോട്ട് അധ്യക്ഷത വഹിച്ചു.
സൗദി കെഎംസിസി വൈസ് പ്രസിഡന്റുമാരായ ഉസ്മാനലി പാലത്തിങ്ങല്‍, വി കെ മുഹമ്മദ്, സെക്രട്ടറിയേറ്റ് അംഗങ്ങളായ മുജീബ് ഉപ്പട, മുഹമ്മദ് വേങ്ങര, ജലീല്‍ തിരൂര്‍, സെന്‍ട്രല്‍ കമ്മിറ്റി പ്രസിഡന്റ് സിപി മുസ്തഫ, ജനറല്‍ സെക്രട്ടറി ഷുഹൈബ് പനങ്ങാങ്ങര, ട്രഷറര്‍ അഷ്‌റഫ് വെള്ളേപ്പാടം, ഓര്‍ഗനൈസിങ് സെക്രട്ടറി സത്താര്‍ താമരത്ത്, ചെയര്‍മാന്‍ യു.പി മുസ്തഫ, വിവിധ ജില്ലാ പ്രസിഡന്റ്,ജനറല്‍ സെക്രട്ടറിമാര്‍ സംബന്ധിച്ചു. വിവിധ മണ്ഡലം, പഞ്ചായത്ത് മുനിസിപ്പല്‍ കെഎംസിസി കമ്മിറ്റി ഭാരവാഹികളും ജില്ലയിലെ കെഎംസിസി പ്രവര്‍ത്തകരും പങ്കെടുത്ത ചടങ്ങ് വര്‍ണാഭമായിരുന്നു.
മലപ്പുറം ജില്ല കെഎംസിസി ജനറല്‍ സെക്രട്ടറി സഫീര്‍ തിരൂര്‍, ട്രഷറര്‍ മുനീര്‍ വാഴക്കാട്, ചെയര്‍മാന്‍ ഷാഫി മാസ്റ്റര്‍ ചിറ്റത്തുപാറ, ഓര്‍ഗനൈസിങ് സെക്രട്ടറി മുനീര്‍ മക്കാനി, ഭാരവാഹികളായ മൊയ്ദീന്‍ കുട്ടി പൊന്മള, ശകീല്‍ തിരൂര്‍ക്കാട്, നൗഫല്‍ താനൂര്‍, അലികുട്ടി തവനൂര്‍, അര്‍ഷദ് തങ്ങള്‍, റഫീഖ് ചെറുമുക്ക്, ഷബീറലി വള്ളികുന്ന്, നാസര്‍ നിലമ്പൂര്‍, സലാം പയ്യനാട്, യൂനുസ് നാണത് തുടങ്ങിയവര്‍ ആഘോഷ പരിപാടികള്‍ക്ക് നേതൃത്വം നല്‍കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group