റിയാദ് – റിയാദ് മലപ്പുറം ജില്ല കെഎംസിസി കമ്മിറ്റിയുടെ നേതൃത്വത്തില്‍ സൗദി ദേശീയ ദിനം ബത്ഹ കെഎംസിസി ഓഫീസില്‍ ആഘോഷിച്ചു. മലപ്പുറം ജില്ല പ്രസിഡന്റ് ഷൗക്കത്ത് കടമ്പോട്ട് അധ്യക്ഷത വഹിച്ചു. സെന്‍ട്രല്‍ കമ്മിറ്റി പ്രസിഡന്റ് സിപി മുസ്തഫ ഉദ്ഘാടനം ചെയ്തു.
വിവിധ കലാപരിപാടികള്‍ അരങ്ങേറി. സെന്‍ട്രല്‍ കമ്മിറ്റി ജനറല്‍ സെക്രട്ടറി ശുഹൈബ് പനങ്ങാങ്ങര, ഓര്‍ഗനൈസിങ് സെക്രട്ടറി സത്താര്‍ താമരത്ത്, ഭാരവാഹികളായ ശാഫി മാസ്റ്റര്‍ തുവ്വൂര്‍, സിറാജ് മേടപ്പില്‍, മലപ്പുറം ജില്ലാ ചെയര്‍മാന്‍ ശാഫി മാസ്റ്റര്‍, ചിറ്റത്തുപാറ എന്നിവര്‍ ആശംസകള്‍ നേര്‍ന്നു. പ്രവാസത്തിന് താല്‍ക്കാലിക വിരാമം കുറിച്ച റിയാദ് കെഎംസിസി കൊണ്ടോട്ടി മണ്ഡലം ട്രഷറര്‍ ബഷീര്‍ ചുള്ളിക്കോടിനുള്ള റിയാദ് കെഎംസിസി മലപ്പുറം ജില്ല കമ്മിറ്റിയുടെ സ്‌നേഹാദരം സെന്‍ട്രല്‍ കമ്മിറ്റി പ്രസിഡന്റ് സിപി മുസ്തഫ കൈമാറി. റിയാദ് കെഎംസിസി മലപ്പുറം ജില്ല ജനറല്‍ സെക്രട്ടറി സഫീര്‍ മുഹമ്മദ് സ്വാഗതവും ശിഹാബ് തങ്ങള്‍ കുറുവ നന്ദിയും പറഞ്ഞു.
സെന്‍ട്രല്‍ കമ്മിറ്റി സെക്രട്ടറി അഷ്‌റഫ് കല്‍പകഞ്ചേരി, മലപ്പുറം ജില്ലാ ഭാരവാഹികളായ മുനീര്‍ വാഴക്കാട്, സഫീര്‍ കരുവാരകുണ്ട്, ഷരീഫ് അരീക്കോട്,സലാം മഞ്ചേരി, മജീദ് മണ്ണാര്‍മല, നൗഫല്‍ താനൂര്‍, ശകീല്‍ തിരൂര്‍ക്കാട്, മൊയ്ദീന്‍ കുട്ടി പൊന്മള, ഷബീറലി വള്ളിക്കുന്ന് തുടങ്ങിയവര്‍ പരിപാടികള്‍ക്ക് നേതൃത്വം നല്‍കി.