റിയാദ്- സൗദി റിയാദ് കെ.എം.സി.സി തൃശൂര്‍ ജില്ലാ കമ്മറ്റിക്ക് പുതിയ നേത്രത്വം നിലവില്‍ വന്നു. ബത്ഹ കെ.എം.സി.സി ഹാളില്‍ നടന്ന ജനറല്‍ കൗണ്‍സില്‍ യോഗം റിയാദ് സെന്‍ട്രല്‍ കമ്മറ്റി പ്രസിഡന്റ് സി.പി മുസ്തഫ ഉദ്ഘാടനം ചെയ്തു. ജില്ലാ ട്രഷറര്‍ ഉമര്‍ ഫാറൂഖ് മുള്ളൂര്‍ക്കര അധ്യക്ഷത വഹിച്ചു.
മുന്‍ കമ്മിറ്റിയുടെ പ്രവര്‍ത്തന റിപ്പോര്‍ട്ട്, സാമ്പത്തിക റിപ്പോര്‍ട്ട് എന്നിവ ജോ.സെക്രട്ടറി അന്‍ഷാദ് കയ്പമംഗലം അവതരിപ്പിച്ചു. തുടര്‍ന്ന് നടന്ന തെരഞ്ഞെടുപ്പില്‍ സി.പി മുസ്തഫ വരണാധികാരിയും സെന്‍ട്രല്‍ കമ്മറ്റി ഓര്‍ഗ:സെക്രട്ടറി സത്താര്‍ താമരത്ത് നിരീക്ഷകനുമായിരുന്നു. ജനറല്‍ സെക്രട്ടറി കബീര്‍ വൈലത്തൂര്‍ സ്വാഗതവും മുഹമ്മദ് ഷാഫി കല്ലിങ്ങല്‍ നന്ദിയും പറഞ്ഞു. റഹീം പഴയന്നൂര്‍ ഖിറാഅത്ത് നടത്തി.
പുതിയ ഭാരവാഹികളായി അബ്ദുല്‍ ഖാദര്‍ വെണ്‍മെനാട് (ചെയര്‍മാന്‍), മുഹമ്മദ്കുട്ടി ചേലക്കര (പ്രസിഡന്റ്), അന്‍ഷാദ് കയ്പമംഗലം (ജനറല്‍ സെക്രട്ടറി), മുഹമ്മദ് ഷാഫി കല്ലിങ്ങല്‍ (ട്രഷറര്‍), ഹിജാസ് തിരുനെല്ലൂര്‍ (ഓര്‍ഗ:സെക്രട്ടറി), ബഷീര്‍ ചെറുവത്താണി, ഫൈസല്‍ വെണ്‍മെനാട്, ഷാഹിദ് അറക്കല്‍, ഉമ്മര്‍ ചളിങ്ങാട് (വൈസ് പ്രസിഡന്റുമാര്‍), സയ്യിദ് ഷാഹിദ് തങ്ങള്‍, ഷിഫ്‌നാസ് ശാന്തിപുരം, സുബൈര്‍ ഒരുമനയൂര്‍, ഉസ്മാന്‍ തളി (ജോ.സെക്രട്ടറിമാര്‍), കബീര്‍ വൈലത്തൂര്‍ (വെല്‍ഫെയര്‍ കമ്മറ്റി ചെയര്‍മാന്‍), സലിം മണലൂര്‍ (സ്‌പോര്‍ട്ട്‌സ് വിംഗ് ചെയര്‍മാന്‍), നിസാര്‍ മരുതയൂര്‍ (മീഡിയ വിംഗ് ചെയര്‍മാന്‍) എന്നിവരെ തെരഞ്ഞെടുത്തു.