റിയാദ്: റിയാദ് കൊയിലാണ്ടികൂട്ടം രക്ഷാധികാരിയും സാമൂഹിക പ്രവര്‍ത്തകനുമായ കൊയിലാണ്ടി ഐസ് പ്ലാന്റ് റോഡില്‍ ആബിദ നിവാസില്‍ (അമല്‍)ടിവി സഫറുല്ല (55) റിയാദില്‍ നിര്യാതനായി. വിമാനത്താവളത്തില്‍ നിന്ന് സുഹൃത്തിനെ കൊണ്ടുവരുന്നതിനിടെ കാറില്‍ വെച്ച് ഹൃദയാഘാതം സംഭവിക്കുകയായിരുന്നു. ഉടന്‍ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
ഭാര്യ:കെ എം സലീന (കൊല്ലം). മുനിസിപ്പല്‍ മുസ്ലിം ലീഗ് പ്രസിഡണ്ടും നഗരസഭ കൗണ്‍സിലറുമായ കെ എം നജീബ് ഭാര്യ സഹോദരനാണ്.
മക്കള്‍: ഡോ.തന്‍ഹ മറിയം, മുഹമ്മദ് അലന്‍ (മര്‍ക്കസ് ലോ കോളേജ് വിദ്യാര്‍ഥി), അഫ്രിന്‍ സഫറുല്ല (ഡി എം മിംസ് വയനാട് വിദ്യാര്‍ഥി), ലയാന്‍ സഫറുല്ല (ഗോകുലം പബ്ലിക് സ്‌കൂള്‍ വടകര). പിതാവ്: പരേതനായ ഇബ്രാഹിം ഹാജി മലേഷ്യ. മാതാവ്: ഫാത്തിമ ആബിദ നിവാസ്. സഹോദരങ്ങള്‍: തസ്ലി (പറമ്പത്ത്), തഫ്‌സീല (കൊയിലാണ്ടി), ഷബീര്‍ അലി (ദുബായ്), മുക്താര്‍ ഇബ്രാഹിം (ഖത്തര്‍). മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടിക്രമങ്ങള്‍ പൂര്‍ത്തിയാക്കാന്‍ കെഎംസിസി പ്രവര്‍ത്തകരായ റാശിദ് ദയ, റഫീഖ് മഞ്ചേരി, അലി അക്ബര്‍, ബന്ധുക്കളായ നജീം, മുജീബ് രംഗത്തുണ്ട്.